Улаанбуудайг биржээр арилжихаар бэлтгэж байна

2021-07-26
Нийтэлсэн: Админ
 2 мин унших

С.САРУУЛ

Энэ намраас эхлэн хүнсний улаанбуудайг Хөдөө аж ахуйн биржээр дамжуулан арилжихаар бэлтгэл ажил хийж байна.

Бэлтгэл ажлын хүрээнд 13 аймгийн 120 гаруй тариалан эрхлэгч, гурил үйлдвэрлэгч болон мэргэшсэн брокерууд, Хөдөө аж ахуйг дэмжих сангийн удирдлагууд зэрэг арилжаанд оролцогч талуудтай уулзалт зохион байгуулжээ.

Өнгөрсөн бямба гаригт Улаанбаатар хотод Хөдөө аж ахуйн биржээс Дорнод аймгийн тариалан эрхлэгчидтэй уулзалт зохион байгуулж, биржээр улаанбуудайг хэрхэн арилжих, үүний давуу сул тал, үр өгөөжийн талаар нэгдсэн мэдээлэл өгч, харилцан санал солилцлоо.

Уулзалтад оролцсон тариаланчид биржээр улаанбуудай арилжих ажлыг дэмжиж байгаагаа илэрхийлсэн бөгөөд зөвхөн дотоодод гэлтгүй экспортын чиглэлд хамтран ажиллах нь илүү үр дүнтэй болохыг онцолж байлаа.

“Нью Ариг Ус” ХХК-ийн нягтлан бодогч Г.Ундрах “Хүнсний улаанбуудай нь стратегийн хүнс гэдэг утгаараа дотоодынхоо /Дорнод аймаг/ хэрэгцээг хангаад үлдсэнийг нь экспортод гаргах боломжийг нээж өгвөл зүгээр байна. Газар тариалан цаг хугацаатай уралддаг салбар учир энэ ажлыг аль болох хурдтай зохион байгуулахгүй хэрэгтэй. Ер нь бид биржийг дэмжиж байгаа. Бирж нь бидний эрх ашгийн төлөө дугарах ганц газар болчихоод байна. Бирж үнэхээр бидний төлөө ажиллаж явж чадвал хаа хаанаа хэрэгтэй байна” хэмээн байр сууриа илэрхийлсэн юм.

Дорнод бүсийн тариаланчдын холбооны тэргүүн Б.Галхүү “Биржийг зөв явуулах нь зүйтэй гэж хувь хүнийхээ хувьд бодож байна. Үүн дотроо алслагдсан аймгууд руу чиглэсэн ямар бодлого хэрэгжүүлэх талаар тодорхой болгох нь чухал. Брокерууд бид нар шиг өөрөөр хэлбэл, улаанбуудайг чанарыг нь муудуулахгүй үнэтэй зарахыг хичээж чадах болов уу, биднээс илүү хичээх боломжууд юу байна гэдгийг илүү сайн харах ёстой байх. Мөн алслагдсан аймгууд хоршоо хэлбэрийн зохион байгуулалтад ороод явах хэрэгтэй юм байна.

Дорнод аймагт 20 гаруй аж ахуйн нэгж байдгаас 10 гаруй нь идэвхтэй үйл ажиллагаа явуулж, 80 гаруй мянган га-д тариалалт хийдэг. Энэ жил бид 60 мянган тонн улаанбуудай хурааж авна гэсэн төлөвлөгөөтэй байгаа. Дотоодын гурилын үйлдвэр болох Дорнод гурил компани хамгийн ихдээ 10 мянган тонныг авлаа гэж бодвол манай аймагт 50 гаруй мянган тонн улаанбуудайн илүүдэл гарна. Дотоодын  зах зээлээ хангаад үлдсэн 50 гаруй мянган тонн буудайг яах вэ гэдэг асуудал үүснэ. 1000 гаруй километр газар тээвэрлээд Улаанбаатарт худалдана гэвэл өндөр зардал гарна. Тариаланчид үүн дээр тодорхой хэмжээний алдагдал хүлээнэ. Тэгэхээр  энэ 50 гаруй мянган тонн улаанбуудайг 35-60 километр зайтай Хятадын зах зээл рүү экспортод гаргачихмаар байгаа юм.  Ингэх нь хамгийн зөв шийдэл. Бидэнд экспорт хийх зөвшөөрөл өгчихвөл улс хожино, учир нь бид урамшуулал гэж авахгүй. Үүгээрээ улсад ашигтай. Тариаланчид  тонн тутамд 150-200 мянган төгрөгийн тээврийн зардал төлөхгүй учраас ашигтай ажиллана. Энэ хэрээр техник тоног төхөөрөмжийн шинэчлэлтээ бүрэн хийх боломжтой. Тиймээс бидний зүгээс гол хүсэж байгаа зүйл бол бирж зөвхөн дотоодын арилжаанд оролцохоос гадна бидэнтэй хамтраад экспортын чиглэлд ажиллах хэрэгтэй. Бирж ч гэсэн үүнээс тодорхой хэмжээний хувь авч болно шүү дээ. Ингэж хамтдаа хөгжвөл илүү үр дүнтэй" гэсэн юм.

Эх сурвалж: www.polit.mn

Малын хорогдол 5.9 саяд хүрлээ

Малын хорогдол 5.9 саяд хүрлээ

саяхан
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

1 цаг 58 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

3 цаг 30 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

6 цаг 3 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

6 цаг 13 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

6 цаг 18 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

6 цаг 18 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

21 цаг 15 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

21 цаг 42 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

21 цаг 45 мин