• Зууны мэдээ сонин онлайн захиалга

Тэтгэврийн зээлгүй ахмадуудад 216 тэрбум төгрөгийг бүрэн олгож дууслаа

2021-06-02 10:50

С.САРУУЛ

Иргэний тэтгэвэр барьцаалсан  зээлийн төлбөрийг төрөөс нэг удаа төлөх тухай хуулийн дагуу тэтгэврийн зээлгүй ахмадуудад нэг сая төгрөг олгож байгаа. Энэ талаар “Эрдэнэс Монгол” ХХК-ийн Гүйцэтгэх захирал Д.Хаянхярваа Салхитын мөнгөний ордыг эдийн засгийн эргэлтэд оруулж, Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг УИХ 2020 оны нэгдүгээр сарын 10-ны өдөр баталсан. Сарын дараа буюу хоёрдугаар сард 6 сая хүртэлх төгрөгийн тэтгэвэр барьцаалсан зээлтэй байсан 228.5  мянган ахмадын 695.0 тэрбум төгрөгийн зээлийг  Эрдэнэс Монгол нэгдлийн охин компани болох “Эрдэнэс Силвер Ресурс” ХХК тэглэх санхүүжилтийг гаргасан. Тэтгэврийн зээлгүй байсан 194.1 мянган ахмадад 194 тэрбум төгрөг, нэг сая төгрөгөөс доош зээлтэй байсан 43.9 мянган ахмадад 21.4 тэрбум төгрөг буюу нийт 216 тэрбум төгрөгийн  олгох ажлыг холбогдох байгууллагуудын хамтын ажиллагааны үндсэн дээр хийж дууслаа. Өөрөөр хэлбэл, тэтгэврийн зээлгүй байсан ахмадууд байгалийн баялгийн өгөөжийг бодит байдлаар мөнгөн хэлбэрээр хүртэж байна.

Салхитын мөнгөний ордоос гадна Овоот хярын алтны төсөл “Эрдэнэс силвер ресурс” ХХК-ийн харьяанд бий. Энэ төслийг эдийн засгийн эргэлтэд оруулах бэлтгэл ажлыг үе шаттайгаар зохион байгуулж байгаа. Одоогийн байдлаар хайгуулын ажил үргэлжилж байна” гэлээ.

Эх сурвалж: www.polit.mn

 

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
нармандах
Баялагийг ХУВААРИЛЖ бна гэж СҮРЖИГНЭХ мөртлөө ЗАРИМД нь6 САЯ ,Нөгөөд нь 1 саЯ ГЭДЭГ ЗӨВ ХУВААРИЛАЛТ МӨН ҮҮ ??? ИЙМЭРХҮҮ байдлаараа цаашид нөгөө ЭРХ БАРИГИД л ИХИЙГ ЗАВШИХ ньэээ
Ялгаварлан гадуурхахаа боль
Ямарт нь 6 сая өгдөг юм бэ???? Ялгаварлалаа боль!!!