Супер циклийг ашиглахад уул уурхайн бирж чухал нөлөөтэй

2021-05-19
Нийтэлсэн: Админ
 2 мин унших

Ц.МЯГМАРБАЯР

 

Экспортыг дэмжиж импортыг орлох эдийн засгийн реформ хийхэд 100 төсөл чиглэнэ гэдгийг Ерөнхий сайд Л.Оюун-Эрдэнэ Засгийн газар байгуулагдсан 100 дахь хоног дээрээ илэрхийлээд байгаа. Эдгээр төслийн 50 нь эдийн засгийн хүрээг ойрын 10 жилд тэлэхэд уул уурхайн салбарын бүтээгдэхүүнийг нэмүү өртөг шингээж  үйлдвэрлэн экспортлоход чиглэнэ гэсэн. Эдийн засгийг тэлэх хамгийн чухал төслийг дурдвал эхний ээлжинд Оюутолгойн далд уурхайн төслийг ашиглалтад оруулах, Тавантолгой-Гашуунсухайтын баяжуулах үйлдвэр, зэсийн баяжмал боловсруулах, Эрдэнэт үйлдвэрийн технологийн парк, Газрын тос баяжуулах нефтийн үйлдвэр, Дундговь аймгийн хар төмөрлөгийн болон Дарханы металлургийн цогцолбор, Уул уурхайн бирж байгуулах төслийг онцолж байна. Эдгээр тэргүүлэх боловсруулах чиглэлийн 6-7 төслийг энэ Засгийн газар бүрэн эрхийнхээ хугацаанд  эхлүүлүүлж чадвал бусад таван салбарын гадагшаа урсах мөнгөн урсгалыг дотооддоо үлдээж тэр хэрээр эдийн засаг тэлэхийн зэрэгцээ уул уурхай тэр дундаа ойрын 10 жилдээ нүүрсний супер циклийг ашиглан бусад салбараа хөгжүүлэх шаардлага байгааг чухалчилж байна.

 

Уул уурхайн бүтээгдэхүүнийг биржээр дамжуулан үнэ хүргэнэ

 

Харин эдгээр  боловсруулах үйлдвэрийн бүтээгдэхүүнийг  үнэ хүргэх төсөл нь Уул уурхайн бирж байгуулах цогц бодлоготой уялдаж хэрэгжинэ гэдгийг  Ерөнхий сайд тодотгож байгаа юм. Өөрөөр хэлбэл, уул уурхайгаас хамааралтай эдийн засагтай манай улсын хувьд экспортын орлогоо нэмэгдүүлэхэд  нэг цонхны бодлого бүхий Уул уурхайн бирж чухал ач холбогдолтой гэлээ. Олон жил ярьсан энэ биржийг байгуулснаар үнэгүй шахам гадагш урсаж байгаа ашигт малтмалын бүтээгдэхүүнд нэмүү өртөг шингээх том боломж бүрдэх юм гэдгийг мэргэжилтнүүд илэрхийлсээр.  2014 онд төрөөс Эрдэс баялагын салбарыг дэмжих бодлогын баримт бичигт экспортыг нэгдсэн бодлогоор зохицуулах зорилгоор Эрдэс баялгийн биржийг байгуулах тухай тусгасан. 2013 оноос ярьж байгаа энэ биржийг байгуулах цаг үе тулгарч байгааг зарим судлаачид ярьж байгаа ч зарим нь одоохондоо ийм бирж байгуулах цаг үе нь биш гэсэн байр суурьтай байгаа юм. Тэгвэл Засгийн газар 100 төсөл арга хэмжээндээ ийнхүү Уул уурхайн биржийг байгуулахаар тусгаад байна. Энэ ажлыг яаравчлуулахаар Эрдэс баялгийн  тухай хуулийн төсөл, үзэл баримтлалыг боловсруулах ажлын хэсгийг Уул уурхайн хүнд үйлдвэрийн яаманд ажлын хэсэг байгуулан ажиллаж байна.

 Энэ тухай салбарын сайдаас тодруулахад “Уул уурхайн бирж байгуулах төсөл нь  биржийн нэг дэд бүтэц болох юм. Бид өнөөдөр Шивээхүрэн дээр чингэлгийн нэг терминал байгуулж байна. Мөн Гашуунсухайт, Эрээн болон Ханги боомтод тус бүр нэг терминал байгуулахыг зорьж байна. Гагцхүү эдгээрийг хувийн хэвшилтэй хамтран байгуулах боломжтой. Энэ бүх дэд бүтэц нийлж Уул уурхайн биржийг үүсгэх юм” гэсэн юм. Энэ биржийн үйл ажиллагаа  Эрдэс баялгийн биржийн хуулиар зохицуулагдах ажээ.

Товчоор хэлбэл,  хуулийн төслийн гол зорилго нь Төрийн өмчит уул уурхайн компанийн бүтээгдэхүүнийг дэлхийн зах зээлийн үнээр хувийн хэвшлийн компанийн бүтээгдэхүүнээс хямд борлуулж ашигт малтмалын нөөц ашигласны татвар бага төлж байгааг халахад чиглэж байна.

Эх сурвалж: “Зууны мэдээ” сонин

2021.5.19 ЛХАГВА № 102 (6579)

 

АН-ын бүлэг: Цэцийн хуулийн төслийн хэлэлцүүлэгт оролцохгүй

АН-ын бүлэг: Цэцийн хуулийн хэлэлцүүлэгт оролцохгүй

8 мин
О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

29 мин
ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгүй

ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгү

46 мин
Малын хорогдол 5.9 саяд хүрлээ

Малын хорогдол 5.9 саяд хүрлээ

1 цаг 2 мин
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

3 цаг 0 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

4 цаг 32 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

7 цаг 5 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

7 цаг 15 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

7 цаг 20 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

7 цаг 20 мин