Б.ОД

Эрүүл мэнд, эдийн засгийг дэмжих 10 их наяд төгрөгийн төлөвлөгөөг танилцуулах үеэр Сангийн сайд Б.Жавхлан сэтгүүлчдийн зарим асуултад хариулт өглөө. 

Тэрээр “2020 онд нийт банкны системээр дамжиж гардаг зээл 15 хувиар буюу гурван их наяд төгрөгөөр багассан. Тэр хэмжээгээр зах зээлд хүлээлт үүсчихсэн. Орон зай нь дутагдаж байна гэсэн үг. Энэ удаа зээл олгохдоо хүртээмжтэй байх, зөв хүндээ очих боломжтой болгох үүднээс мэргэжлийн газраар дамжуулж олгох бодлогын шийдвэр гарсан.Төсвийн орлого хоёрдугаар сард 100 хувиас бага зэрэг давсан үзүүлэлттэй гарсан. Эдийн засгийн хөдөлгөөн идэвхжихийн хэрээр орлого хэвийн байдалдаа ирж байна. Төсвийн хөрөнгө оруулалт дээр одоогоор эрсдэл үүсээгүй.  НОСК-аас өнгөрсөн жил COVID-19-ийн эсрэг эрсдэлтэй нөхцөлд нүүр тулж ажилласан төрийн албан хаагчдад орон сууцыг нь биет байдлаар олгочихоод санхүүжилтийг нь хүлээж байгаа юм билээ.2020 онд НОСК, Монголбанк хоёрын хооронд арилжаа нь явагдаад, санхүүжилт нь гараад, төсөвт сууснаар хүүгийн хөнгөлөлтийг нь өгөх ёстой байсан. НОСК өөрөө гаргаж чадахгүй хариуцлага бас хугацаа алдсан. Төсвөөс 100 гаруй тэрбум төгрөгийн мөнгө өгөх ямар ч боломжгүй. НОСК өөрөө хариуцах хэрэгтэй” гэсэн юм.

Эх сурвалж:www.polit.mn