Б.ДОЛЖИНЖАВ

УИХ-ын чуулганаар энэ сарын 5-нд Төрөөс мөнгөний бодлогын талаар 2021 онд баримтлах үндсэн чиглэлийг баталсан. Үүнтэй холбогдуулан Монголбанкнаас өнөөдөр  мэдээлэл хийлээ. Төв банк инфляцыг 2021-2023 онд зургаан хувь орчимд тогтворжуулах зорилтыг хангахад чиглэсэн бодлогыг хэрэгжүүлэхээр болжээ.  Мөн ирэх онд зээлийн хүү бууруулах, Монгол Улсын мөнгө угаах, терроризмыг санхүүжүүлэхтэй тэмцэх тогтолцооны дараагийн харилцан үнэлгээнд бэлтгэх, санхүүгийн хэрэглэгчийг зайнаас танихтай холбоотой хууль эрх зүйн зохицуулалтыг сайжруулахтай холбоотой олон ажлыг төрийн бусад байгууллагатай хамтран хийхээр төлөвлөсөн байна.

Энэ талаар Монголбанкны Ерөнхийлөгч Б.Лхагвасүрэн  “Монголбанк долоон арга хэмжээг хамтарч хэрэгжүүлье гэж төсөлд тусгасан. Жил бүр Монголбанкнаас макро эдийн засгийн тогтвортой байдлыг бэхжүүлэх чиглэлээр ямар ажил хийх талаарх төлөвлөгөөг гаргадаг. Тэр нь макро болон санхүүгийн системийн тогтвортой байдлыг хангах, санхүүгийн салбарын дэд бүтцийг хөгжүүлэх гэсэн гурван дэд хэсгээс бүрдсэн заалт байдаг. Энэ жилийн мөнгөний бодлогыг батлах үеэр УИХ-ын гишүүд Засгийн газартай хамтарч хэрэгжүүлэх долоон заалт дээр нэг заалт нэмэх санал оруулсан. Ингээд  найман заалттай болсон” гэж ярилаа.

Эх сурвалж:www.polit.mn