Б.НАМУУН Үндэсний статистикийн хороо өнөөдөр Монгол Улсын нийгэм, эдийн засгийн энэ оны эхний хоёр сарын үзүүлэлтийг танилцуулсан билээ. Оны эхний хоёр сарын байдлаар Монгол Улсын гадаад худалдааны нийт бараа эргэлт 1.5 тэрбум америк доллар болж, өнгөрсөн оны мөн үеэс 410.4 сая ам.доллар буюу 21.3 хувиар буурчээ. Экспорт 322.9 сая ам.доллар буюу 29.5 хувь, импорт 10.4 хувиар буурсан байна. Экспорт өмнөх оны мөн үеэс 322.9 сая америк доллараар буурахад алтны экспорт 115.6 сая, зэсийн баяжмалын экспорт 90 сая, нүүрсний экспорт 104.8 сая ам.доллароор тус тус буурсан нь голлон нөлөөлжээ. Нүүрс олборлолт өмнө оны эхний хоёр сартай харьцуулахад 325.7 тэрбум төгрөг буюу 39.6 хувиар буурсан байна.  Уул уурхай, олборлох аж үйлдвэрийн салбарын борлуулсан бүтээгдэхүүн оны эхний хоёр сард өмнөх оны мөн үеэс 825.7 тэрбум төгрөг буюу 41.8 хувь буурчээ. Үүнд нүүрс олборлолтын салбарын борлуулалт 444.8 тэрбум төгрөг, газрын тос олборлолтын салбарын борлуулалт 93.6 тэрбум төгрөг, металлын хүдэр олборлолтын салбарын борлуулалт 289.9 тэрбум төгрөгөөр тус тус буурсан нь нөлөөлсөн байна. Эх сурвалж: www.polit.mn