Ж.ЦОГЗОЛМАА Тэрбумтан ч бай, саятан ч бай аль аль нь энгийн дундаж хүнээс илүү болоод л мөнгө захирах ухааныг эзэмшсэн байж таарна. Тиймээс тэдний мөнгөнд хэрхэн ханддагийг суралцъя гэвэл үзэл бодлоос нь сонсох хэрэгтэй. Тэдний хэлсэн ишлэлүүдээс тэдний амьдралын зарчмаас суралцаж болох юм. “The Billion Dollar Secret: 20 Principles of Billionaire Wealth and Seccess” номын зохиолч Rafael Badziag -ийн ишлэлүүдийг энд онцолж байна. Олдгоосоо багыг үрдэг хүн л мөнгө хуримтлуулах боломжтой. Үрдэг мөнгөнөөсөө илүүг хадгалж, аль нэг чухал зүйлд хөрөнгө оруулалт хийдэг болсноор л та чухам ямар зорилгын төлөө өөрийгөө зориулах ёстойго ойлгож авна. Тэр цагт л таны хүсэл мөрөөдал таны мөнгө болон хувирна. Тэгвэл “Affluent Market Institute” хэмээх санхүүгийн судалгааны төвийн судалгаа хариуцсан захирал Сара Стэнли “Мөнгө хадгалах ухаан мөнгө үрэхээ багасгах ухаанаас л эхэлнэ. Энэ бол хөрөнгө мөнгөө маш сайн төлөвлөдөг хүний нэг онцлог шинж. Харин та хадгалахын оронд үрсээр байвал үргэлж мөнгөний боол хэвээр байх болно” гэжээ. Дэлхийн тэргүүн тэрбумтан Уоррен Баффетыг харцгаая. Тэрээр 1985 онд 276 мянган ам.доллараар худалдан авсан байшиндаа одоо ч амьдарч байна. Тэр хэзээ ч гар утсаа ухаалаг утасны дараагийн хувилбар, шинэ загвараар солих гэж мөнгө үрдэггүй. Бас тэр үс засуулахдаа 18 ам.доллараас илүүг төлж үзээгүй. Тэр өглөөний цайндаа Макдоналдсын түргэн хоол идэхдээ 3.17 ам.доллараас илүүг төлөх тухай хэзээ ч төсөөлөхгүй. Эцэст нь, энэ бүхэн түүний 84.6 тэрбум ам.долларын хөрөнгийн нууц байж мэдэх л юм. Эх сурвалж: Businessinsider.com