С.САРУУЛ Уул уурхай, хүнд үйлдвэрийн яамны дэргэдэх Шатахууны үнийн зөвлөл  хуралдлаа. Энэ үер ирэх сарын 15-наас шатахууны үнэ буурна гэдгийг  АМГТГ-ын орлогч дарга Ц.Эрдэнэбаяр  хэллээ. Тэрээр “Дэлхийн зах зээл дээрх түүхий тосны үнэ тонн тутамдаа 25 ам.доллараар буурч байгаа учраас АИ-92 бензиний үнэ 50 орчим төгрөгөөр буурна.  Дизель түлшний дэлхийн зах зээл дээрх үнэ өсөөгүй байхад үнээ 40 төгрөгөөр нэмсэн ААН-үүдэд шаардлага хүргүүлсэн.  Тайлбараа маргааш ирүүлэх ёстой. Хэрэв шаардлагыг биелүүлэхгүй бол шатахуун импортлох тусгай зөвшөөрлийг цуцлах хүртэл арга хэмжээ авна. ААН-үүд дизелийн түлшний үнийг лиртр тутамд 40 төгрөгөөр нэмсэн юм. Энэ оны эхний гурван сарын турш түүхий тосны үнэ өссөн. Харин зургадугаар сард буурлаа.   Дэлхийн ах зээлд үнэ өссөн тохиолд манай дотоодод үнэ өсөх нь аргагүй юм. Харин буурсан нөхцөлд дагаж хэрэгжүүлэхэд бид анхаарна. 25 ам.доллараар бензиний үнэ буурсан тул нэг литр тутамд 50 орчим  төгрөгийн бууралт авчирна гэсэн үг. Брэнт төрлийн газрын тосны үнэ 70-аас 60 ам.доллар болж буурлаа. Ахин буурна гэж таамаглаж байна. Гэхдээ үнийн өөрчлөлт манай зэх зээлд 20 орчим хоногийн хоцрогдолтой нөлөөлдөг” гэлээ. Эх сурвалж: www.polit.mn