Их Британийн парламент Брексит-ийн хэлэлцээрийг буцаахаар болсон. Энэ зуур Хятад, Америкийн худалдааны гэрээ хэлэлцээр Вашингтон хотод үргэлжилж байна. Энэ өдөр мэдвэл зохих зах зээлийн чухал мэдээллээс хүргэж байна.  

Хятадын худалдааны яриа хэлэлцээр 2025 оныг хүртэлх төлвийг тодорхойлно

Худалдааны яриа хэлэлцээрт ойр эх сурвалжуудын мэдээлснээр Хятад АНУ-ын уулзалтууд нь 2025 он хүртэлх Бээжингийн бараа бүтээгдэхүүний худалдаа блооод Америкийн компаниудыг Азийн зах зээлд нэвтрэхэд туслах үүрэгтэй байх аж. Яриа хэлэлцээ Вашингтон хотноо үргэлжилсэн хэвээр байна. Чухал тохироонд хоёр тал зөвшилцвөл АНУ-ын Ерөнхийлөгч Д.Трамп, Хятадын төрийн тэргүүн Ши Жинпин нар гарын үсэг зурснаар гэрээ биеллээ олох юм. Трампын эдийн засгийн зөвлөхийн хэлж буйгаар хэлэлцээ үргэлжилж байгаа ч эцсийн байдлаар батлагдах эсэх нь тодорхойгүй хэвээр байна. “Хоёр талын уур амьсгал таатай байгаа. Энэ долоо хоногт нааштай зүйл дуулдах байх найдаж байгаа” гэж Цагаан ордны эдийн засгийн зөвлөх Ларри Кудлоу мэдэгдэв. Бээжин, Вашингтоны талуудын ихээхэн анхаарч буй зүйлс нь Америкийн оюуны өмчийн асуудал бөгөөд үүнийг Хятадын тал хүндэтгэн харилцах талаарх асуудлыг онцгойлж байгаа юм.  

Брекситийн хүлээлт

Өчигдөржин үргэлжилсэн хэлэлцүүлгийн үеэр Британийн парламент Брекситийн саналыг хойшлуулахаар болжээ. Улмаар фунтын ханш чангарахад нөлөөлжээ. Ингэснээр одоогийн Ерөнхий сайд Тереза Мэй-ийн санал хойшилж, цаашлаад Европын холбооны гишүүнчлэлээс гарах асуудал сунжрах төлөвтэй байна. Мэй болон түүний зөвлөх Жереми Корбин нар Брекситийн хямралыг хэрхэн шийдвэрлах талаар дахин хамтран ажиллахаар боллоо. Их Британийн Ерөнхий сайд болон сөрөг хүчний Хөдөлмөрийн намын тэргүүн нар талуудтай хамтран ажиллахаа зөвшилцсөн байна. Цаашдын ажлын төлөвлөгөө зэргийг өнөөдөр хэлэлцэх аж.  

Хувьцааны ханш сүүлийн зургаан сарын хамгийн өндөр цэгт хүрэв

АНУ-ын зах зээлийн сэргэлтийг дагаад Азийн зах зээл “өндрөө авахад” бэлэн болжээ. Үйлдвэрлэлийн өсөлтийг харуулдаг S&P 500 индекс таван өдөр дараалан эерэг байлаа. Facebook-ийн хэрэглэгчдийн олон сая тайлан тооцооллын серверүүдэд олдсон талаар Bloomberg News мэдээлсний дараа АНУ-ын үнэт цаасны зах зээлд уналт ажиглагдлаа.  

SoftBank 15 тэрбум ам.долларын эрэлд

Yahoo Japan, Sprint Corporation зэрэг олон охин компаниудыг нэгтгэсэн Японы SoftBank Group Corp., корпорацид 100 тэрбум ам.доллар хангалтгүй байна хэмээн мэдэгдэв. Олон салбарт тус корпорацид технологийн цар хүрээгээ нэмэгдүүлэхэд дахиад 15 тэрбум ам.доллар шаардлагатай хэмээн эх сурвалж мэдээлэв.  

Facebook хэрэглэгчдийн олон сая мэдээлэл серверүүдээс олдлоо

Facebook Inc.-ийн мэдээлэл ил болов. Цахим аюулгүй байдлын судалгааны “UpGuard” фирмийн олж мэдсэнээр Amazon.com Inc.’-ийн тооцооллын серверүүдээс санамсаргүй хайлтад хэрэглэгчдийн мэдээлэл олдсон байна. Facebook хэрэглэгчдийн мэдээлэл, цахим аюулгүй байдал хангалтгүй байгаа талаар Cambridge Analytica-гийн эхлүүлсэн маргаанаас хойш жилийн дараа энэхүү мэдээлэл дахин гарч ирлээ. Мехико хотод төвтэй Cultura Colectiva компани Facebook хэрэглэгчдийн регистрийн дагуур, Facebook-т бичсэн тайлбарууд, мөн бүртгэлтэй нэр бүхий 540 сая мэдээллийг авсан тохиолдол илэрсэн юм.

Өнгөрсөн 24 цагийн дотор болсон мэдээллүүдээс онцолж уншвал зохих сэдвүүд:

• Трамп татварын дараах орлогынхоо талаар буруу мэдээлэл өгөөгүй хэмээн мэдээлэв.

• Этиопт осолдсон Боинг 737 Max онгоцны ослын тайланг өнөөдөр мэдээлнэ.

 Эх сурвалж: www.polit.mm