Б.ДАМДИН-ОЧИР Төр хамгийн муу менежер хэмээх үгийг бодитоор нь нотолдог газар бол Монгол Улсын Хөгжлийн банк юм. Монгол Улсын хөгжилд нэмэр түлхэц болохуйц томоохон төслүүдийг санхүүжүүлэх зорилгоор байгуулагдсан энэ банк улстөрчид, улс төрд нөлөө бүхий бизнесмэнүүдийг дэмжиж ирсэн түүх бий. Тиймээс өдгөө Хөгжлийн банкны өмнөх удирдлагууд, нэр бүхий бизнесмэн улстөрчдийн хамт хэрэгт шалгагдаж, шүүхээр шийдүүлэх гэж байгаа юм. Тэгвэл Хөгжлийн банкны өнөөгийн удирдлагууд ч ийм эрсдэлтэй тулаад байж магадгүй байна. 2016 оны сонгуулиас хойш олгосон зээлүүд нь УИХ-ын гишүүд, зарим улстөрчидтэй хамаарал бүхий компаниудыг санхүүжүүлсэн, олны анхаарал татсан ноцтой асуудалд холбогдсон хүмүүсийг ч санхүүжүүлжээ. Энэ бүхэн тун удахгүй нийтэд ил болох юм. Харин ингэж элдвийн явдал болохоос өмнө Хөгжлийн банкны гүйцэтгэх удирдлагын төвшинд зарим өөрчлөлт орох гэж байгаа юм байна. Тухайлбал, Хөгжлийн банкны Гүйцэтгэх захирал Б.Батбаяр ойрын үед ажлаа өгөхөөр болжээ. Мөн Хөгжлийн банкны дэд захирлуудын зарим ч албан тушаалаа өгөх юм байна. Тэр ч бүү хэл, оронд нь очих хүмүүсийн сураг ч гараад эхэлжээ. Тухайлбал, “Голомт” банкны Эрсдэлийн удирдлагын газрын захирал М.Чингүүн гэдэг хүн Хөгжлийн банкны таван дэд захирлын нэгийн оронд очихоор болсон байна. Энэ мэтчилэнгээр Хөгжлийн банкны удирдлагад, бас үйл ажиллагаанд нь “хөдөлгөөн” орох нь тодорхой боллоо. Эх сурвалж: “Зууны мэдээ” сонин 2019.3.26 № 62 (6029)