ЯМАШИТА МАМОРУ Төслийн ахлах зөвлөх Япон улсын Эрүүл мэнд, хөдөлмөр, нийгмийн хамгааллын яамнаас Монгол Улсын Эрүүл мэнд, нийгмийн даатгалын ерөнхий газарт “Нийгмийн даатгалын үйл ажиллагааны чадавхийг бэхжүүлэх төсөл”-ийг хэрэгжүүлж байна. Нийгмийн хамгааллын тухай тайлбарлах үеэр олон хүн “Би хүнд байдалд орсон учраас төр засаг надад туслах ёстой” гэж хэлдэг. Мэдээж энэ салбар өвдөх, бэртэж гэмтэх, ажилгүй болох, нас барах, үйлдвэрлэлийн осолд өртөх гээд хүнд нөхцөлд ороход төрөөс дэмжлэг үзүүлдэг. Гэхдээ хэн дуртай нь нийгмийн хамгааллаас тусламж аваад байвал юу болох вэ гэдэг асуулт гарч ирнэ. Төсвийн тодорхой хэсгийг энэ салбарт зарцуулдаг. Гэвч хүн бүр төрд найдаад тусламж авна гэвэл ачааллаа даахгүйд хүрнэ. Түүнээс гадна зайлшгүй нийгмийн хамгааллыг хүртэх шаардлагатай хүнд дэмжлэг хүрч чадахгүй. Тэгэхээр аль болох асуудлаа өөрөө шийдэх, мөн ажлын хамт олон, нутаг усныхан бие биедээ тусалж дэмжин харилцан туслалцах зарчмыг баримтлах хэрэгтэй гэж үздэг. Ингэснээр зайлшгүй тохиолдолд төрөөс дэмжлэг авах боломжийг бүрдүүлэхийн сацуу нэн чухал асуудал байдаг. “Ask not what your country can do for you — ask what you can do for your country” гэсэн үг бий. Жон Кеннеди АНУ-ын ерөнхийлөгчөөр сонгогдоод хэлсэн үгэндээ ийнхүү дурьдсан юм. Монгол Улс цаашид улам хөгжихийн тулд гурван сая гаруй иргэд эвлэлдэн нэгдэх нь чухал бизээ. Ингэж чадвал нийгмийн хамгааллын салбар ч улам боловсронгуй болно гэдэгт итгэлтэй байна. Эх  сурвалж: “Зууны мэдээ” сонин