Эдийн засгийн чуулга уулзалтыг Монгол Улсад зохион байгуулах нь Монгол Улсын хувьд ч, гадаад дотоодын бизнес эрхлэгчдэд ч чухал ач холбогдолтой үйл ажиллагаа болж байгаа юм. Хөгжлийн асуудлаар бодлого боловсруулагчид, бизнес эрхлэгч нар, эрдэмтэн судлаачдын дунд хэлэлцүүлэг зохион байгуулж, бодлогын зөвлөмж гаргаж байгаагаар онцлогтой. Чуулга уулзалтад үндэсний бодлого боловсруулагчид буюу Засгийн газар, УИХ, Ерөнхийлөгчийн тамгын газрын төлөөлөл, аймаг, нийслэлийн Засаг дарга нар, бизнесийн төлөөлөл, эрдэмтэн судлаачид, иргэний нийгэм, хэвлэл мэдээллийнхэн оролцох юм. Чуулга уулзалт нь ил тод, нээлттэй хэлэлцүүлгийг зохион байгуулахад ихээхэн анхаарч, чуулга уулзалтын тухай мэдээллийг телевиз, интернэт болон хэвлэл мэдээллийн хэрэгслээр өргөнөөр нэвтрүүлж олон нийтэд хүргэх юм. Мөн нэр хүнд бүхий зочдыг оролцуулсан хэвлэлийн бага хурал зохион байгуулахын зэрэгцээ олон улсын болон Монголын томоохон хэвлэл мэдээллээр Чуулга уулзалтын талаарх мэдээллийг дамжуулна.

Хүндэт зочин илтгэгчид

Нэгдсэн хуралдаан

1. Монгол Улсын Хөгжлийн бодлого ба хөрөнгө оруулалтын хөтөлбөр

2. Монгол улсын хөгжлийн загвар

Нээлттэй хэлэлцүүлэг

1. Төр хувийн хэвшлийн диалоги ба Хамтын ажиллагаа

2. Аж үйлдвэрийн IV дэх хувьсгал

Салбар хуралдаан

1. Санхүү, хөрөнгийн зах зээлийн Өнөөдөр ба Ирээдүй

2. Хариуцлагатай уул уурхай ба Хүртээмжтэй өсөлт

3. Аялал жуулчлал ба Агаарын тээвэр

4. Мега төслүүд ба төрийн өмчит компаниуд: Сайн засаглал ба Хувьчлалын бодлого

5. Бидний үнэт зүйлс, ёс зүй ба Нийгмийн зөвшилцөл

6. Улаанбаатар хотын эдийн засаг ба Хөрөнгө оруулалт

7. Эдийн засгийг бүсчилэн хөгжүүлэх, Төвлөрлийг сааруулах бодлого

8. Хүний хөгжил: Халамжаас Бүтээмж рүү

9. Монгол Улсын Брэндинг

10. Хөдөө аж ахуйн хөгжил ба Хөрөнгө оруулалт

11. Цахим шилжилт ба Блокчэйн

12. Эргэх холбоотой хариуцлагатай манлайлал