А.БЯМБАМАА

Их британийн нэгдсэн вант улсын элчин сайдын яамнаас манай улсын уул уурхайн салбартай танилцаж буй. Энэ хүрээнд Монголдоо тэргүүлэх “Эрдэнэт үйлдвэр” компанид тус улсын шинэ технологийг нэвтрүүлэн, хамтарч ажиллах боломжийг судлахаар ажлын айлчлал хийж байгаагаа Их британийн нэгдсэн вант улсаас Монгол улсад суугаа  элчин сайдын дэд тэргүүн Иан Кокс онцоллоо. Тэрээр “Их британийн нэгдсэн вант улстай 1963 оноос өнөөг хүртэл хоёр орон хамтын ажиллагаатай байж ирсэн. Тиймээс эдийн засаг, хөрөнгө оруулалтаар түлхүү ажилладаг. Энэ удаад уул уурхайн салбар тэр дундаа Эрдэнэт үйлдвэрт шинэ технологийг нэвтрүүлэхээр судалж байгаа юм” гэв. Эрдэнэт үйлдвэрийн уул уурхайн мэргэжилтнүүдэд танилцуулж хамтын ажиллагааны талаар санал солилцсон байна.  

Ажлын хэсэгт Их британийн уул уурхайн тоног төхөөрөмж үйлдвэрлэдэг компаниудын гэрээт борлуулагч байгууллагуудын төлөөллүүд орсон байна. Түүнчлэн Их британийн олон улсын худалдааны яамны Уул уурхай хариуцсан мэргэжилтэн, Төв ази болон Зүүн европийн орнуудыг хариуцан ажилладаг хадагтай Рос Ланд айлчлалын бүрэлдэхүүнд багтжээ. Дашрамд дурдахад, тус улс нь уул уурхайн технологиор дэлхийд тэргүүлдэг.

Эх сурвалж: www.polit.mn