Т.САЙХАН

“Polit.mn” сайт “Төрсөн өдөр” буландаа есдүгээр сарын 26-нд төрсөн өдөр нь тохиодог эрхмүүдээс Соёлын гавьяат зүтгэлтэн Г.Мэнд-Ооёог онцолж байна.

Тэрээр 1952 онд Сүхбаатар аймгийн Онгон суманд төржээ. 1996 онд Соёлын гавьяат зүтгэлтэн цол, 2015 онд Чингис хаан одон хүртсэн яруу найрагч юм. Мэнд-Ооёо 1970 онд Улаанбаатар хотын Багшийн сургууль, 1978 онд УБДС-ийн монгол хэл-уран зохиолын ангийг дүүргэсэн. Сүхбаатар аймагт багш, Монголын Радиогийн урлаг, соёлын редакцид редактор, ерөнхий редактор, Монголын Соёлын Сангийн гүйцэтгэх захирал, дэд ерөнхийлөгч, ерөнхийлөгч, Засгийг газрын хэрэгжүүлэгч агентлаг Соёл урлагийн газрын дарга зэрэг ажлыг хийжээ. Түүний бүтээлүүд англи, япон, унгар, орос, хятад, нидерланд, герман, франц зэрэг 30 гаруй хэлнээ орчуулагдсан байдаг. Танд төрсөн өдрийн мэнд хүргэе.

Эх сурвалж:www.polit.mn