Э.Дөлгөөн: Урьдчилсан шатны тоглолтод шигшээ багтайгаа тогловол бүхнээ дайчилна

2023-01-24
Нийтэлсэн: Админ
 5 мин унших

Д.ДАРАМБАЗАР

 

Манай улс багийн спортоор ойрын жилдээ амжилт гаргахгүй гэсэн яриаг үгүйсгэсэн нь сагсан бөмбөгийн 3х3 төрөл. Энэ төрлөөр манай багийн тамирчид хичээллэн олон сайхан амжилтыг гаргаж тив, дэлхийд нэрээ дуурсгаж явна. “Зууны мэдээ” сонин энэ удаагийн “Дугаарын зочин” буландаа сагсан бөмбөгийн 3х3 төрлийн шигшээ багийн тоглогч, “Завхан бродерс” багийн довтлогч, спортын мастер Э.Дөлгөөнийг урилаа. 

 

-Сагсан бөмбөгийн холбоод нэгдсэнээр тамирчид гадаадын тэмцээн уралдаанд оролцох болсон. Үүний нэг нь өнгөрсөн онд болсон Азийн урьдчилсан шатны тоглолт байлаа. Та энэ тоглолтод бэртлийн улмаас оролцоогүй. Харин энэ удаа шигшээ багтаа дуудагдах болов уу?
-Сагсан бөмбөгийн холбоод нэгдсэнээр манай тамирчид тэмцээнд оролцох боломжтой боллоо. Гараа гэмтээсэн учраас өнгөрсөн онд тэмцээнд оролцоогүй. Хэрэв бэртэлгүй байсан бол талбай дээр гарч өөрийн чадах бүхнээ дайчлах байсан. Тэмцээний дундуур шигшээ багийн гол тоглогч Сэргэлэн мөн бэртсэн. Үүнээс болж манай баг бүрэн бүрэлдэхүүнээрээ тоглоогүй ч сайн систем, багийн уур амьсгалаас хамаарч хожлуудыг авч дараагийн шатанд шалгарсан. Миний хувьд бэртлээсээ эргэж ирээд дээд лигийн дөрөв дэх тоглолтод оролцоод байна. Бэлтгэл сургуулилтыг өдөр бүр хийж байгаа ч дээд лигийн тоглолт бэлтгэлийг маань эрчимжүүлж байгаа. Гэхдээ өмнөх үе шигээ сайн тоглолтыг үзүүлж чадахгүй байна. Шидэлтүүдээ их алдаж байна. Хэрэв энэ удаагийн урьдчилсан шатны тоглолтод шигшээ баг дуудвал бүхнээ дайчилж тоглоно. Мөн багтаа том тус хүргэхийн төлөө илүү оноо авахыг зорино. Өөрийн сайн чаддаг хамгаалалтуудаа хийж, эсрэг багт бага оноо алдахыг хичээнэ. 


-Дээд лигийн тоглолтод лигонер тамирчдыг багийнхнаасаа түлхүү хамгаалж байгаа ажиглагдлаа. Энэ нь урьдчилсан шатны тэмцээний тоглолттой хамаатай юу? 
-Сагсан бөмбөгийн 3х3 төрөл ямар ч хүнийг хамгаалах үүрэгтэй болгодог. Энэ утгаараа талбай дээр таарсан том тоглогчдыг амлаж хамгаалах нь тийм ч хэцүү биш. Мөн урьдчилсан шатны тоглолтод оролцвол эсрэг багийн хамгийн сайн тоглогчийг хамгаалахыг оролдоно. Бид өөрсдөөсөө өндөр, хүчтэй тоглогчдыг яаж хамгаалахыг мэддэг. Тиймээс дээд лигийн тоглолтуудад хамгийн сайн оноо авч байгаа эсрэг багийн тоглогчийг хамгаалж байна.


-“Завхан бродерс” баг улирлыг тун тааруу эхлүүлсэн. Гэхдээ хожигдож болохгүй гэсэн тоглолтууддаа хожил авч байна. Энэ нь бэлтгэл дээр зурсан хувилбарууд сайн хэрэгжиж байгаагийн илрэл үү?
-Манай баг эхний тоглолтууддаа олон хожигдол хүлээсэн болохоор цаашдаа хичээж плей-офын шатанд дээгүүр шалгарахыг хүсэж байгаа. Тиймээс өмнөх тоглолтууд дээрээ дүгнэлт хийж, жигд тоглон олон хожил авахыг зорьж байна. Легонир тамирчин Стөүн байхад манай баг гурван өндөртэй болж байгаа. Гурван өндөртэй болохоор алдааны асуудалд орох талтай. Тамирчин хүн бүрт тоглолт нь орсон өдөр гэж байдаг. Тиймээс хэн талбай дээр ашигтай байна түүнийг тоглуулж, хожил авахыг хүсдэг.  


-Сагсан бөмбөг багийн спорт. Хувь хүний спортоос ялгарах олон зүйл байдаг уу?
-Хувь хүний спортод нэг хүн нэг хүнтэйгээ өрсөлдөж ялалт, ялагдлаа хүлээдэг. Харин багийн спортын амжилт хэзээ ч нэг хүнээс шалтгаалдаггүй. Багийн бүх тоглогч бие биеэ сайн мэдэрч байж л тоглодог. Ялагдал эсрэг багт биш баг хамт олны ойлголцлоос шалтгаалдаг. Олон хүн нэг хүн шиг сэтгэж, нэг багц болж тухайн спортын талбай дээр амжилттай байна гэдгээрээ л өөр гэсэн үг.

 


-Танд шантрах үе тохиолддог байх. Энэ үед өөрийгөө хэрхэн хурцалдаг вэ?
-Шантрах үе гардаг. Наад зах нь тэмцээн уралдаан дөхсөн үед өдрийн гурван удаа бэлтгэл хийнэ гэдэг хүнд шүү дээ. Энэ үед хүн болгон л шантардаг байх. Өглөө босоод цайгаа уучихаад уул руу гүйлтэд гарна. Хүрч ирээд нэг цаг амраад өдөр, оройн бэлтгэл. Бидний яриагаар амиа хорлох гэж ярьдаг шугам сүлжиж явах дасгал, 24 секундэд бүтэн талбайг тойрч гүйх гэсэн нарийвчилсан бэлтгэлийг хийдэг. Бэлтгэлийн дундах амралтын үеэр дэрэн дээр толгойгоо тавиад нүдээ аних үед олон зүйл бодогддог. Үнэхээр их ядарч байгаагаа мэдэрч болимоор санагдах үе гарна. Энэ үед “Бусад хүн надтай адил ядарч байгаа. Тиймээс хичээх хэрэгтэй. Дуртай спортдоо амжилт үзүүлж, баг хамт олныхоо хичээл зүтгэлийн нэгээхэн хэсэг болж яваа надад шантрах эрх байхгүй. Чи хичээх ёстой” гээд л өөртэйгөө ярина. Ер нь тамирчин хүн өөртэйгөө их ярьдаг.


-Энэ их хичээл зүтгэлийн үр дүнг талбай дээр амжилттай гаргах чухал биз?
-Маш өндөр бэлтгэлийг даагаад гарчихсан хүн талбай дээр өөр тоглолтыг үзүүлдэг. Сэтгэл зүй ч их сайн бэлтгэгдсэн байдаг. Өөртөө итгэлтэй, арга техник, ур чадвартай болдог.


-Тоглолтын үед ямар зүйл хамгийн сайхан санагддаг вэ?
-Шидээд оруулах, амжилттай хамгаалах, төвд сайн тоглох гээд амжилттай болсон тохиолдолд хожих итгэл нэмэгдэж, багийнхаа болон өөрийн тоглолтыг мэдэрч эхлэх нь сайхан санагддаг. Гол нь ямар тоглолтоос, яаж үйлдэгдэж байгаагаас шалтгаалдаг. 


-Сагсан бөмбөгийн 5х5 болон 3х3 төрлийн ялгааг та тайлбарлаж өгөөч?
-Сагсан бөмбөгийн 3х3 төрөл нь тал талбай дээр тоглодог. Хамгийн их ачаалалтай тоглолт болж өнгөрдөг. Хамгаалсан бол буцаад хурдтай довтолгоондоо орох шаардлагатай болдог. Довтолгооны 12 секундтэй, самбараас аваад гурваас заавал тоглолтоо эхлүүлнэ. 3х3 нь хүнээс олон чадвар шаарддаг. Харин 5х5 төрөлд холбогч бол холбогчоо, хамгаалагч бол хамгаалагчаа л хийдэг. Харин 3х3-т холбогч, хамгаалагч, төв гээд бүх л байрлал дээр тоглодог.

Эх сурвалж: "Зууны мэдээ" сонин 

2023 ОНЫ НЭГДҮГЭЭР САРЫН 24. МЯГМАР ГАРАГ. № 17 (7002)

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

17 мин
ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгүй

ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгү

34 мин
Малын хорогдол 5.9 саяд хүрлээ

Малын хорогдол 5.9 саяд хүрлээ

50 мин
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

2 цаг 48 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

4 цаг 20 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

6 цаг 53 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

7 цаг 3 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

7 цаг 8 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

7 цаг 8 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

22 цаг 5 мин