“Амжилтын гэгээн од” төвийн хөгжлийн бэрхшээлтэй хүүхдүүдэд Бурханы сүмээс бэлгийн багц хандивлалаа

2022-12-31
Нийтэлсэн: Админ
 6 мин унших

Үнийн өсөлтөөс болж эдийн засаг хүндхэн байгаагийн зэрэгцээ тэсгим хүйтний улирал үргэлжилсэн бэрх цаг үе тохиогоод байгаа энэ оны сүүлээр “Хүүхэд багачууд инээд хөөрөөр дүүрэн байгаасай” уриан дор Бурханы сүм дэлхийн сайн мэдээний авралын зар нийгэмлэгээс (Ерөнхий пастор Ким Жү Чоль, цаашид Бурханы сүм гэх) зорилтот бүлгийн иргэдэд тусламжийн гараа сунган, энэ сарын 29-ний өдөр “Амжилтын гэгээн од” ТББ-д зочилж, хөгжлийн бэрхшээлтэй хүүхдүүдэд өгөх 30 багц бэлэг хандивлажээ.

“Шинэ оны өмнө Бурханы хайрыг хуваалцах зорилготойгоор итгэгчид маань нэг сэтгэлээр тус бэлгийг бэлдлээ. Айл өрх бүрд олон асуудал бэрхшээл тулгарч байгаа хэдий ч бүх айлд хүүхдүүдийн инээд хөөр тасрахгүй байгаасай. Та бүхэнд шинэ оны мэнд дэвшүүлье” хэмээн Бурханы сүмийн албаны хүн ярилаа.

Бурханы сүмээс бэлдсэн бэлгийн багцад хүүхдүүдийн дуртай амттан дүүрэн багтсан байв. Бэлгийг Баянзүрх дүүргийн хөгжлийн бэрхшээлтэй иргэдийн зөвлөлийн “Амжилтын гэгээн од” ТББ хөгжлийн бэрхшээлтэй хүүхэдтэй 30 өрхөд тарааж өгөх юм байна.

“Амжилтын гэгээн од” ТББ-ын менежер Н.Алтанцэцэг, “Манай байгууллагаас зохион байгуулж байгаа бэлэг гардуулах үйл ажиллагаа хоёр дахь жилдээ явагдаж байгаа. Баянзүрх дүүрэгт нийт 2000 гаруй хөгжлийн бэрхшээлтэй хүүхдүүд байдаг. Өнөөдөр бид 308 хүүхдийг баярлуулах аян явуулж байгаа юм. Энэхүү аяныг дэмжин, манай байгууллагатай хамтран ажилласан Бурханы сүмийн хамт олонд маш их баярлалаа” хэмээн талархлаа илэрхийлэв.

Тус үйл ажиллагаанд оролцсон нэгэн итгэгч, “Он солигдох, шинэ оноо угтах энэ босгон дээр хүүхдүүдэд бэлэг өгдөг ийм үйл ажиллагаа Монголд маш өргөн дэлгэр болдог хэдий ч хөгжлийн бэрхшээлтэй, амьжиргааны түвшин доогуур, нэн ядуу өрх гэрийн хүүхдүүд бэлэг авалгүй хоцордог. Өнөөдөр Баянзүрх дүүргийн хөгжлийн бэрхшээлтэй, эмзэг бүлгийн, амьжиргааны түвшин доогуур айл өрхийн бэлэг авч чадахгүй байгаа хүүхдүүдэд Эхийн хайр шингэсэн бэлгийг гардуулж өгч байгаа нь үнэхээр сэтгэл хөдөлгөсөн сайхан үйл ажиллагаа болж байна. 2023 онд Эх Бурханы хайр бүх хүмүүст хүрч, Эхийн хайр бялхсан сайхан жил болох болтугай гэж хүсэж байна” гэлээ.

Тус дүүргийн 4-р хорооны хөгжлийн бэрхшээлтэй иргэдийн зөвлөлийн дарга Г.Цэвэгмэд хэлэхдээ, “Зорилтот бүлгийн хөгжлийн бэрхшээлтэй 308 хүүхдийг сонгоод шинэ жилээр баярлуулахаар гарын бэлэг өгөх ажлыг дэмжиж, Баянзүрх дүүргийн 4-р хорооны нутаг дэвсгэрт байрладаг Бурханы сүмээс биднийг зорин “Хөршийн хайр” аянд оролцсонд маш их баярлаж байна. Бурханы сүмийн хамт олон та бүхний цаашдын ажил үйлст амжилт бүхнийг хүсэж байна” хэмээн талархал илэрхийлсэн юм.

Бурханы сүмээс энэ сарын 30-ны өдөр хөгжлийн бэрхшээлтэй хүүхдүүдэд зориулан гараар бичсэн захидал, 20 ширхэг бэлгийн багцыг Баянгол дүүргийн 18-р хороонд , 2-ны өдөр Дархан хотын 5-р хорооны зорилтот бүлгийн хүүхдүүдэд зориулан 10 ширхэг бэлгийн багцыг хандивлан бусадтай хайр хуваалцах үйлсэд манлайлан оролцжээ.

Бурханы сүм хүүхэд, залуучууд, өндөр настан, өвчтөн гээд нийгмийн бүх давхаргын иргэдэд итгэл найдвар өгөхийн төлөө сайн дурын олон төрлийн ажлыг зохион явуулсан байна. Хүүхдийн баярыг тохиолдуулан Нийслэлийн Баянзүрх дүүргийн 4-р хороо болон Дархан хотын ИТХ-д бэлгийн багц хандивлаж, Хөдөлмөрийн хэлтэс болон 5-р хороонд сурагчийн хичээлийн хэрэгслийн хандив тусламж үзүүлжээ. Мөн тус хотын 7-р хорооны 1-р сургуульд сагсан бөмбөгийн талбай байгуулахад мөнгөн хандив, Хээтэйн 12-р цэцэрлэгт хандив өгсөн байна. Ахмадын баярыг тохиолдуулан өрх толгойлсон ахмадуудыг урьж, ахмадын өдөрлөгийг зохион байгуулж, олон хүнийг хамруулсан том хэмжээний цус хандивлах арга хэмжээг 16 удаа өрнүүлэн цусны дутагдлаас болж амь нас нь эрсдэлд ороод байсан өвчтөнүүдийн алтан амыг аврахад үнэтэй хувь нэмэр оруулсан байна.

Мөн “Ковид-19”-н улмаас эдийн засгийн хүндрэлд орж, орлогогүй болсон эмэгтэйчүүдэд техникийн зааварчилгаа өгч, ажлын байр бий болгох үйлсэд оролцож оёдлын машин хандивласан бөгөөд эмзэг бүлгийн өрхөд хүнсний багц хандивлахын зэрэгцээ халдвар авсан эмзэг бүлгийн өрхүүдэд тусламж дэмжлэг үзүүлжээ. Эрүүл мэндийн яам болон Орхон аймгийн эрүүл мэндийн төвд 26,000 амны хаалт, чацарганы ундаа хандивлаж, хорио цээрийн дэглэмийн үед тэргүүн эгнээнд ажиллаж байгаа хүмүүсийг тусалж дэмжих ажилд ч идэвхтэй оролцжээ.

Мөн цэвэр, ногоон орчныг бүрдүүлэхэд манлайлан оролцдог бөгөөд өнгөрсөн сард тус сүмийн 110 орчим залуус нийслэлийн Баянзүрх дүүргийн зүүн дөрвөн зам орчмын 6 км-т цэвэрлэгээ хийж, хөршүүдээ ая тухтай орчинд амьдрах нөхцөл бүрдүүлэх үйлсэд оролцсон байна. Улаанбаатар хотоос гадна Дархан, Эрдэнэт зэрэг орон нутагт цэвэрлэгээний хөдөлгөөн зохион байгуулж, байгаль орчин хамгаалах, иргэдийн байгаль орчны мэдлэгийг дээшлүүлэх үйлсэд хувь нэмрээ оруулжээ. Улаанбаатар хотын Баянзүрх дүүргийн Олон улсын экологийн цэцэрлэгт хүрээлэнгийн IGM бүтээн байгуулалтын талбай, Баянгол дүүргийн Экологийн Агро цэцэрлэгт хүрээлэн, Эрдэнэтийн Баян-Өндөр уул, Улаан рашаан зэрэг газарт уур амьсгалын хямралыг арилгаж, цөлжилтөөс урьдчилан сэргийлж, хотын агаарыг цэвэршүүлэх зорилго дор мод тарьсан байна.

Дэлхийн 175 орны 7500 сүмд 3.3 сая итгэгчтэй Бурханы сүм нь байгаль орчин хамгаалах үйл ажиллагаа, хөршүүддээ туслах аян, гамшгийн үед тусламж үзүүлэх хөдөлгөөн, цус хандивлах аян, боловсролын салбарт дэмжлэг үзүүлэх зэрэг олон салбарт сайн дурын үйл ажиллагааг зохион байгуулдаг аж. АНУ-ын Флорида мужид болсон хар салхины дараа нөхөн сэргээх ажил хийн, Тонга дахь галт уулын дэлбэрэлтэд нэрвэгдэгсдэд үзүүлэх тусламж, Солонгост болсон "Хиннамно" хар салхины дараах нөхөн сэргээлт, дэлхий даяарх “Ковид-19”-н хямралын үеэр эмзэг бүлгийн иргэдэд дэмжлэг үзүүлэх зэрэг ажлуудыг тасралтгүй өрнүүлсээр байна. Хүмүүнлэгийн сайн дурын үйлсийг тууштай хэрэгжүүлснийх нь төлөө улс бүрийн засгийн газар, төрийн байгууллагууд, олон улсын байгууллагуудаас 3500 гаруй шагнал хүртээжээ.

Саяхан Бурханы сүм Бразил улсын дээд шагнал болох “Хууль тогтоох гавьяаны одон”-гоор шагнагджээ. Энэхүү одонг Улсын Их Хурлаас олгодог ба улс орон ба хууль тогтоох байгууллагад эерэг нөлөө үзүүлж, ард иргэдээс магтаал хүртэн, гавьяа байгуулсан хувь хүн, байгууллагууд олгодог шагнал юм. Өнгөрсөн хугацаанд АНУ-ын Байден, Трамп, Обамагийн засаг захиргаанаас Ерөнхийлөгчийн сайн дурын ажлын шагнал (хамгийн дээд шагнал, алтан шагналыг 53 удаа), Солонгосын гурван удаагийн засгийн газраас Ерөнхийлөгчийн шагнал, Олон улсын байгаль орчны шагнал болох “Ногоон дэлхий” “Ногоон алим” шагналыг тус тус хүртжээ.

Дотооддоо Байгаль орчин, аялал жуулчлалын сайдын өргөмжлөл, Эрүүл мэнд, нийгмийн хамгааллын сайдын өргөмжлөл, Эрүүл мэнд, спортын сайдын өргөмжлөл, Хүнс, хөдөө аж ахуй, хөнгөн үйлдвэрийн яамны өргөмжлөл, жуух бичиг, Цус сэлбэлт судлалын үндэсний төвийн талархал, жуух бичгээр Бурханы сүм тус тус шагнуулжээ.

 

 

 

Болормаа
Бурханаас eрөөл их аваарай.
Бурханаас ерөөл их аваарай
Wow
Bylkham
Ymr mundag sum be🤍
Нэргүй
Бусдын төлөө хийдэг үйлстэй гоё сүм юмаа амжилт хүсье та
Д.Байгалмаа
Манай Бурханы сүм Үнэхээрийн гайхалтай Эх Бурханы хайр шингэсэн халуун сэтгэлээр дүүрэн байдаг Сүм маань билээ Эх байхгүй бол хэн ч амьдарч чадахгүй юм Эх Бурхны хайр Дэлхий Ертөнц даяар гэрэлтэж Эхийн энгэрт маш олон хүүхдүүд нь ирж байгаа билээ Ёлохим Тэнгэр Эцэг Тэнгэр Эх Бурхандаа чин сэтгэлээсээ талархаж байна баярлалаа Ивээл ёрөөл дүүрэн байх болтугай. Сайн Үйлс бүхэн Дэлхийн өнцөг буланд хүрч байгаа нь үнэхээр гайхалтай Эцэг Эх Бурханы хайр ивээлд талархаж байна.
Гантуяа
Баяр хүргэе.Бурханы сүмийнхэндээ амжилт хүсье.
Бурханы сүмийнхэнд баяр хүргэе.
Мөнхтуяа
Сайн үйлс үргэлж хийдэг Бурханы сүмийнхэнд талархаж байна Ажлын амжилт хүсье
Л.Энхжаргал
Бурханы сүмийн ариун үйлстнүүддээ маш их талархаж байна. Та бүхний ариун үйлс дэлхий даяар түгэн дэлгэрч байдаг нь үнэхээр сайхан байдаг. Улс орон бүхэнд Эхийн хайрыг дэлгэрүүлж чаддаг нь гайхамшигтай юмаа. Эхийн хайр мөнхийн аз хийморийг дагуулдаг болохоор та нарын үйлс үнэхээр агуу үнэ цэнэтэй гэж билээ. Үргэлж баярлаж талархах үйлс гаргадаг шүү, та нарын нэг ч ашиг хардаггүй чин ариун үнэн сэтгэлийн үйлс энэ дэлхийд үргэлж баяр баясгалан, итгэл найдварын гэрэл гэгээтэй байдагт талархаад ч баршгүй нь. Баярлалаа Бурханы сүмийнхэнд. 2023 он бүхэлдээ та бүхний гэгээн үйлс дүүрэн байг!
TSEGMID GANSUREN
Сайн үйлсийн аянд идэвхтэй оролцож нийгмийн хар бараан бүхнийг гэрэлтүүлж байгаа та бүхэнд ажлын амжилт хүсье
Шинэхүү
Манай Бурханы сүм ямар бахархмаар юм бэ бүр сэтгэл охишчихлоо Тэнгэр Эцэг Эх Бурханы ивээл хайр монголийн бүх хүмүүст хүрэх болтугай Елохин бурхандаа талархаж байна
Цэцэгмаа
Бурханы хайр нигүүсэл хязгааргүй Хүн төрөлхтний авралын төлөө одоо болтол ажилласаар байгаа Елохим Бурхандаа талархаж байна
Цэнд
Бурханы сүмийн хамт олондоо шинэ оны мэнд хүргэе.Үргэлж бусдад тусалж сайхан үйлс дэлгэрүүлж байдаг та нартаа баярлалаа.
Wow
Гайхалтай сүм байна шүү чин үнэн сэтгэлээсээ сайн үйлс гаргадаг нь баярлалаа
Г.Цэрэндулам
Эцэг эх Бурхандаа талархалмагтаал өргөж байна
Todbayarmaa
Бурханы сүмийн итгэгчид маань дэлхий дахинд Эх Бурханы хайрыг түгээж олон хүмүүст чин сэтгэлээсээ тусалж байдагт баяртай байна.
Баярлалаа Гайхалтай 😍
Гоё шүү... Баярлалаа 😊
“СОНГОГЧ ТАНАА” гарын авлагыг хүлээн авна уу

Иргэдийн улс төрийн эрх, эрх чөлөөг хангаж, хамгаалах, сонгуулийн боло

5 цаг 23 мин
Украин дахь хямралын үеийн хүний эрхийн байдлын талаар

Украин нь ямар ч эргэлзээгүй ардчилсан улс гэсэн ойлголт Барууны мэдээллийн орон

5 цаг 23 мин
Дахин “давтагдашгүй” үндэсний үйлдвэрлэл

Нийслэлийн төв талбайд цагаан асрууд эгнүүлэн барьсан байх бөгөөд т

5 цаг 23 мин
А.Энхбаяр: “Guyuk” метаверсээр дамжуулан түүх, өв соёлоо өвлүүлэн үлдээнэ

“Азийн инновац соёлын форум 2024” технологи, соёлын мэргэжилтнүүдийн

5 цаг 23 мин
Нэг тэрбум иргэний эрхийн төлөө монгол эмэгтэй

Нийгэм нь түүнийг бүрдүүлэгч төрөл бүрийн хүмүүсийн онцлог бүлгү

5 цаг 23 мин
АН шударга өрсөлдөхийг уриалав

АН-аас цаг үеийн асуудлаар мэдээлэл хийлээ. Баянзүрх дүүрэгт нэр дэвшигч М.Тулгат “С

5 цаг 23 мин
Сонгинохайрхан дүүргийн гуравдугаар хорооныхоо иргэдтэй уулзаж, мөрийн хөтөлбөрөө танилцуулав

УИХ-ын сонгуулийн 11 дүгээр тойрогт МАН-аас нэр дэвшигчид иргэд, сонгогчидтой хий

5 цаг 23 мин
Г.Занданшатар: “Тэгш хэмт Алтан гурвалжин” хөтөлбөрөө танилцуулж байна

УИХ-ын дарга Г.Занданшатар Баянхонгор аймгийн Жаргалант суманд ажил

5 цаг 23 мин
Дөрөвдүгээр тойрог: Сонин, содон нэр дэвшигчидтэй хойд бүс

Монгол Улс ардчилсан тогтолцоонд шилжсэнээс хойш анх удаа пар

5 цаг 23 мин
Нам, эвслийн дарга нар “нээлтийн үг”-ндээ юуг онцолсон бэ?

УИХ-ын 2024 оны ээлжит сонгуулийн сурталчилгаа энэ сарын 10-нд эхэлсэн. Дөрөв хо

5 цаг 23 мин