Бурханы сүмээс эмзэг бүлгийн хүүхдүүдэд бэлгийн багц хандивлалаа

2022-12-30
Нийтэлсэн: Админ
 5 мин унших

Шинэ оныг угтан “Хөршөө хайрлая” уриан дор Бурханы сүм дэлхийн сайн мэдээний авралын зар нийгэмлэг (Ерөнхий пастор Ким Жү Чоль, цаашид Бурханы сүм гэх)-ээс Дархан хотын 5-р хорооны эмзэг бүлгийн арван өрхийн хүүхдүүдэд энэ сарын 22-ны өдөр  багачуудын дуртай төрөл бүрийн амттанаар дүүргэсэн бэлгийн багц хандивлав.

Шинэ жилийн баярыг тохиолдуулан бид олон байгууллагад хандан хүсэлт тавьж, зорилтот бүлгийн, хөгжлийн бэрхшээлтэй өрхийн хүүхдүүдэд бэлэг цуглуулсан юм. Энэ үйл ажиллагаанд Дархан Бурханы сүм оролцож, маш сайхан эко бэлэг бэлдэж өгч, олон хүүхдийг баярлуулж байгаад баярлалаа.” хэмээн 5-р хорооны Засаг дарга Б.Оюунчимэг талархлаа илэрхийллээ.

2022 оныг хөрш, нийгэмтэйгээ хамт халуун дулаан уур амьсгалаар үдэж, шинэ оноо итгэл найдвар дүүрэн угтаж буй Дархан Бурханы сүмийн албан тушаалтан, “Шинэ оны өмнө итгэгч бид бүхэн Бурханы хайрыг хуваалцах үйлсэд нэг сэтгэлээр оролцож байна. Бүх айл өрх, үр хүүхдүүд нь аз жаргалаар цалгиж, эцэг эх нь баяр хөөрөөр дүүрэн 2023 оныг угтаасай гэж хүсэж байна. Эрүүл энхийг хүсэн ерөөе. Шинэ оны мэнд хүргэе” хэмээн халуун сэтгэгдлээсээ хуваалцсан юм.

Тус үйл ажиллагаанд оролцсон Бурханы сүмийн итгэгчдийг төлөөлж Б.Мөнхтуяа хэлэхдээ, “Эдийн засгийн хүнд энэ цаг үед 5-р хороотойгоо хамтарч ажиллан зорилтот бүлгийн хөгжлийн бэрхшээлтэй хүүхдүүдийг баярлуулж Бурханыхаа хайрыг түгээсэндээ маш их баяртай байна” гэсэн бол итгэгч Ж.Сэвжидмаа “5-р хорооны энэ хүүхдүүд хэдий хөгжлийн бэрхшээлтэй ч гэсэн эрүүл саруул өсөж, эх орондоо ихийг бүтээх иргэн болоосой гэж хүсэж байна” хэмээн хүүхдүүдэд урам өглөө.

Бурханы сүм Дархан хотод Христийн хайрыг тууштай хуваалцсаар иржээ. 5-р хороо, 9-р хороо Ёотон, Дэвшил зэрэг газруудын ойр орчмыг цэвэрлэн, тав тухтай амьдрах нөхцөл бүрдүүлэх үйлсэд хувь нэмрээ оруулсан байна. Түүнчлэн Дархан хотын гал унтраах ангид 1000 амны хаалт хандивлаж, хорио цээрийн дэглэмийн үед тэргүүн эгнээнд манлайлан ажиллаж байгаа гал сөнөөгчдөд талархлаа илэрхийлж байжээ. 9-р хорооны эмзэг бүлгийн иргэдэд хоол хүнс, түлш хандивлан өгч амьдралд нь тус дэм болсны зэрэгцээ Дархан хотын нэгдсэн эмнэлэгт цус хандивлах арга хэмжээг зохион байгуулжээ. Мөн ирээдүй хойч үеэ дэмжих үйл ажиллагааг ч идэвхтэй өрнүүлсээр байгаа юм байна. Дархан хотын ИТХ-д Хүүхдийн баярыг тохиолдуулан бэлгийн багц хандивлаж, Хөдөлмөрийн хэлтэс ба 5-р хороонд сурагчийн хичээлийн хэрэгслийн хандив тусламж үзүүлжээ.

7-р хорооны 1-р сургуульд сагсан бөмбөгийн талбай байгуулахад мөнгөн хандив, Хээтэйн 12-р цэцэрлэгт мөн хандив өгсөн байна. Бурханы сүм нь хөрш, нийгэмдээ анхаарал халамж тавих үйл ажиллагааг улс орон даяар идэвхтэй өрнүүлж, олон нийтийн эрх ашиг, хөгжилд эергээр нөлөөлсөөр байгаа юм байна. Эрүүл мэндийн яам болон Орхон аймгийн Эрүүл мэндийн төвд 26,000 амны хаалт, чацарганы ундаа хандивлаж, “Ковид-19”-с урьдчилан сэргийлэх, ард түмэнд хүч дэм болох ажилд ч идэвхтэй оролцжээ. Улаанбаатар хотын Баянзүрх дүүргийн Олон улсын экологийн цэцэрлэгт хүрээлэнгийн IGM бүтээн байгуулалтын талбай, Баянгол дүүргийн Экологийн Агро цэцэрлэгт хүрээлэн, Эрдэнэтийн Баян-Өндөр уул, Улаан рашаан зэрэг газарт уур амьсгалын хямралыг арилгаж, цөлжилтөөс урьдчилан сэргийлж, хотын агаарыг цэвэршүүлэх зорилго дор мод тарьсан байна.

Мөн Улаанбаатар хотын Баянгол дүүргийн ИТХ, Баянгол дүүргийн 18-р хороо, Баянзүрх дүүргийн 4-р хороо зэрэг төрийн байгууллагуудтай хамтран хөршөө хайрлах аян өрнүүлсэн байна. “Ковид-19”-ийн улмаас эдийн засгийн хүндрэлд орж, орлогогүй болсон эмэгтэйчүүдэд техникийн зааварчилгаа өгөх, ажлын байр бий болгох, оёдлын машинаар хангах, эмзэг бүлгийн өрхөд хүнсний багц хандивлах, халдвар авсан эмзэг бүлгийн өрхүүдэд хандив өгч, тусламж дэмжлэг үзүүлэх, цагдаагийн хэлтэст хамгаалалтын тоног төхөөрөмжийн тусламж үзүүлэх, Ахмадын баяраар ганц бие өндөр настнуудыг урьж баярлуулах зэрэг олон арван сайн үйлсийн ажил тогтмол зохион байгуулж байгаа юм байна.

Дэлхийн 175 орны 7500 сүмд 3.3 сая итгэгчтэй Бурханы сүм нь байгаль орчин хамгаалах үйл ажиллагаа, хөршүүддээ туслах аян, гамшгийн үед тусламж үзүүлэх хөдөлгөөн, цус хандивлах аян, боловсролын салбарт дэмжлэг үзүүлэх зэрэг олон салбарт сайн дурын үйл ажиллагааг зохион байгуулдаг аж. АНУ-ын Флорида мужид болсон хар салхины дараах нөхөн сэргээлт, Тонга дахь галт уулын дэлбэрэлтэд нэрвэгдэгсдэд үзүүлэх тусламж, Солонгост болсон "Хиннамно" хар салхины дараах нөхөн сэргээлт, дэлхий даяарх “Ковид-19”-ийн хямралын үеэр эмзэг бүлгийн иргэдэд дэмжлэг үзүүлэх зэрэг ажлуудыг тасралтгүй өрнүүлсээр байна. Хүмүүнлэгийн сайн дурын үйлс тууштай хэрэгжүүлснийх нь төлөө орон орны засгийн газар, төрийн байгууллагууд, олон улсын байгууллагуудаас 3400 гаруй удаа шагнал хүртээжээ.

Саяхан Бразил улсын дээд шагнал болох “Хууль тогтоох гавьяаны одон”-гоор шагнагджээ. Энэхүү одонг Улсын Их Хурлаас олгодог ба улс оронд болон хууль тогтоох байгууллагад эерэг нөлөө үзүүлж, ард иргэдээс магтаал хүлээн гавьяа байгуулсан хувь хүн болон байгууллагуудад олгодог шагнал юм. Өнгөрсөн хугацаанд АНУ-ын Байден, Трамп, Обамагийн засаг захиргаанаас Ерөнхийлөгчийн нэрэмжит сайн дурын ажлын шагнал (Хамгийн дээд шагнал, алтан шагналыг 53 удаа), Солонгосын гурван удаагийн засгийн газраас Ерөнхийлөгчийн шагнал, Олон улсын байгаль орчны шагнал болох “Ногоон дэлхий” шагнал болон “Ногоон алим” шагналыг хүртжээ.

Дотооддоо Байгаль орчин, аялал жуулчлалын сайдын өргөмжлөл, Эрүүл мэнд, нийгмийн хамгааллын сайдын өргөмжлөл, Эрүүл мэнд, спортын сайдын өргөмжлөл, Хүнс, хөдөө аж ахуй, хөнгөн үйлдвэрийн яамны өргөмжлөл, жуух бичиг, Цус сэлбэлт судлалын үндэсний төвийн талархал, жуух бичгээр Бурханы сүм тус тус шагнуулжээ.

 

П.Цэрэндулам
EЛОХИМ Бурхандаа талархал магтаалын дээдийг өргьe.Төгс Хүчит Бурханаараа бахархаж байна.Хүн төрөлхтөнийг өрөвдөн үзэж аврал руу хөтөлж байгаа Эцэг Эх Бурханаараа бахархаж байна.Түмний мин үйлс бүтэж байх болтугай.
Ганаа
Бурханы ерөөл дүүрэн буух болтугай
Нараа
Сүмээрээ маш их бахархаж явдаг шүү.Эцэг Эх Бурхан минь үргэлж ивээж байдаг болхоор бид үнэхээр азтай гайхалтай ..Елохим Бурхандаа талархаж байна
Todbayarmaa
Бурханы сүмийн итгэгчид дандаа сайн үйлсээрээ манлайлж байдаг хамгийн мундаг сүм та бүхэнд баярлалаа.
Anna
Woow ta buhend amjilt husie
М.ЭНХТУЯА
ЭНЭ ХҮНД ХЭЦҮҮ ҮЕД ИЙМ САЙХАН СЭТГЭЛЭЭР ИЙМ ОЛОН БУЯНТАЙ АЖИЛ ХИЙСЭН БУРХАНЫ СҮМИЙН ХАМТ ОЛОНД ТАЛАРХАЛ ИЛЭРХИЙЛЬЕ
Баярлалаа...😊
“СОНГОГЧ ТАНАА” гарын авлагыг хүлээн авна уу

Иргэдийн улс төрийн эрх, эрх чөлөөг хангаж, хамгаалах, сонгуулийн боло

3 цаг 51 мин
Украин дахь хямралын үеийн хүний эрхийн байдлын талаар

Украин нь ямар ч эргэлзээгүй ардчилсан улс гэсэн ойлголт Барууны мэдээллийн орон

3 цаг 51 мин
Дахин “давтагдашгүй” үндэсний үйлдвэрлэл

Нийслэлийн төв талбайд цагаан асрууд эгнүүлэн барьсан байх бөгөөд т

3 цаг 51 мин
А.Энхбаяр: “Guyuk” метаверсээр дамжуулан түүх, өв соёлоо өвлүүлэн үлдээнэ

“Азийн инновац соёлын форум 2024” технологи, соёлын мэргэжилтнүүдийн

3 цаг 51 мин
Нэг тэрбум иргэний эрхийн төлөө монгол эмэгтэй

Нийгэм нь түүнийг бүрдүүлэгч төрөл бүрийн хүмүүсийн онцлог бүлгү

3 цаг 51 мин
АН шударга өрсөлдөхийг уриалав

АН-аас цаг үеийн асуудлаар мэдээлэл хийлээ. Баянзүрх дүүрэгт нэр дэвшигч М.Тулгат “С

3 цаг 51 мин
Сонгинохайрхан дүүргийн гуравдугаар хорооныхоо иргэдтэй уулзаж, мөрийн хөтөлбөрөө танилцуулав

УИХ-ын сонгуулийн 11 дүгээр тойрогт МАН-аас нэр дэвшигчид иргэд, сонгогчидтой хий

3 цаг 51 мин
Г.Занданшатар: “Тэгш хэмт Алтан гурвалжин” хөтөлбөрөө танилцуулж байна

УИХ-ын дарга Г.Занданшатар Баянхонгор аймгийн Жаргалант суманд ажил

3 цаг 51 мин
Дөрөвдүгээр тойрог: Сонин, содон нэр дэвшигчидтэй хойд бүс

Монгол Улс ардчилсан тогтолцоонд шилжсэнээс хойш анх удаа пар

3 цаг 51 мин
Нам, эвслийн дарга нар “нээлтийн үг”-ндээ юуг онцолсон бэ?

УИХ-ын 2024 оны ээлжит сонгуулийн сурталчилгаа энэ сарын 10-нд эхэлсэн. Дөрөв хо

3 цаг 51 мин