Д.ДАРАМБАЗАР

Улаанбаатарт ирэх оны наймдугаар сард “Улаанбаатар 2023” Зүүн Азийн залуучуудын наадам болно. Үүнтэй холбогдуулан тус наадмыг зохион байгуулах хороо, Монголын Спортын сэтгүүлчдийн холбоотой хамтран “Өсвөр сурвалжлагчдын хөтөлбөр”-ийг зарлаж, хамрагдах хүсэлтэй хүүхэд, залуусыг сонгон шалгаруулж эхэллээ. Сонгон шалгаруулалтыг хоёр үе шаттайгаар явуулж, тэмцсэн хүүхдүүдийг сургалтад хамруулах юм. Шалгаруулалтын эхний шатанд “Улаанбаатар-2023” Зүүн Азийн залуучуудын наадам ба миний дуртай спорт” зохион бичлэгийн уралдаан зарлалаа. Энэхүү уралдаанд 14-18 насныхан оролцох боломжтой. Хөтөлбөрт хамрагдсанаар олон улсын түвшний уралдаан тэмцээнийг сурвалжлах заавар зөвлөгөөг сонсож, спортын сэтгүүл зүйн онол, арга зүйд суралцахаас гадна бусад орны үе тэнгийн залуу сэтгүүлчидтэй харилцаа холбоогоо тэлэн, олон улсын спортын холбоодын болон спортын ерөнхий мэдлэг, мэдээлэлтэй болох юм.

Эх сурвалж: www.polit.mn