С.САРУУЛ

Хүүхдийн хоол тэжээлийн дутагдал, эмчилгээний хяналтын систем нэвтрүүлсэн талаар Баянзүрх дүүргийн Эрүүл мэндийн төвийн Хүүхдийн эмч Ж.Оюунзул "0-5 насны хүүхдийн хоол тэжээлийн дутагдал, жингийн алдагдлыг өрхийн эмнэлгүүд хянадаг бөгөөд анх цаасан маягтаар хянадаг байсан бол өдгөө цахимд шилжсэн. Пос машинд 0-5 насны хүүхдийн жин, өндөр гэх мэт үндсэн мэдээллүүдийг оруулбал олон улсын хэмжээсээр бодогдож, хүүхдээ хянах, эмчилгээг үргэлжлүүлэх боломж бүрдэнэ. Гар ажиллагааг ийнхүү цахимжуулснаар ажил хөнгөвчлөгдөж, мэдээллийн сан үүссэн. Энэхүү цахим системийг зөвхөн хоол тэжээлийн цочмог дутагдалтай хүүхдүүдэд зориулсан" гэлээ. Тусгай зөвшөөрлийн цахим системийн талаар НЭМГ-ын Эмийн сангийн тусгай зөвшөөрөл хариуцсан мэргэжилтэн Т.Жаргал "НЭМГ-аас эмийн сан, эмнэлгийн болон халдваргүйжүүлэх үйлчилгээний чиглэлээр тусгай зөвшөөрөл олгодог. 2022 оны дөрөвдүгээр сарын 1-нээс тусгай зөвшөөрлийн хүсэлтийг 24 цагийн турш цахимаар авч эхэлсэн. Ингэснээр хугацаа хэмнэх, цаасны хэрэглээг багасгах давуу талыг бий болгож байна. Цахимд шилжсэнээс хойш 420 хүсэлт цахимаар ирсэн" гэлээ.

Эх сурвалж: www.polit.mn