Б.ДОЛЖИНЖАВ
Худалдааны маргаан, COVID-19 цар тахал, үндэсний аюулгүй байдал, хүний эрх гэсэн хэд хэдэн асуудлаас үүдэн Австрали болон Хятадын харилцаа сүүлийн хэдхэн жилд эрс муудсан. Тэгвэл бүрэн эрхийн хугацаагаа сунгаад байгаа БНХАУ-ын дарга Ши Жиньпинтэй уулзаж чадвал олон эерэг өөрчлөлт гарна гэж Австралийн ерөнхий сайд Энтони Албанез лхагва гарагт мэдэгдлээ. Тэрбээр “Хэрэв бид Ши Жиньпинтэй уулзалт товлоод хэлэлцээр эхлүүлвэл эерэг дүн гарах нь тодорхой. Бид Хятадын талтай хэд хэдэн удаагийн уулзалт зохион байгуулсан ч Жиньпинтэй биечлэн уулзах боломж хараахан гараагүй байна” гэж “Aljazeera” сайтад ярьжээ.
Тун удахгүй болох дэлхийн удирдагчдын дээд түвшний хэд хэдэн уулзалтын үеэр тэр дундаа энэ сарын 15-нд Индонезийн Балид болох “Их-20” улсын удирдагчдын чуулганаар Австралийн төрийн тэргүүн Хятадын ерөнхийлөгчтэй анх удаа нүүр тулан уулзаж магадгүй хэмээн ажиглагчид үзэж байна. Японы Осакад 2019 онд болсон “Их-20”-ийн уулзалтын үеэр Австралийн ерөнхий сайд Скотт Мориссон Ши Жиньпинтэй уулзсанаас хойш Австралийн нэг ч удирдагч Хятадын төрийн тэргүүнтэй уулзаагүй юм.
Дашрамд дурдахад, Ши Жиньпин “Их-20”-ын удирдагчдын уулзалтад оролцохыг Индонезийн ерөнхийлөгч Жоко Видодо баталсан байна. Харин Бангкокт болох Ази-Номхон далайн орнуудын эдийн засгийн хамтын ажилллагааны дээд хэмжээний уулзалт, Камбожид болох Зүүн Азийн орнуудын дээд хэмжээний уулзалтад оролцох эсэх нь тодорхой бус байна.
Сиднейн Технологийн их сургуулийн Австрали-Хятадын харилцааны хүрээлэнгийн захирал Жеймс Лоуренсон хоёр орны удирдагчдын уулзалтын талаар “Манай бүс нутаг дахь АНУ-ын бусад холбоотнууд шиг Хятадтай харилцаагаа сайжруулах нь Австралид ашигтай нь ойлгомжтой. Уулзалтаар Хятадын Австралийн экспортод тавьсан хориг, Хятадад хоригдож байгаа Австралийн иргэд гэсэн хэд хэдэн чухал асуудлыг шийдвэрлэх боломж бүрдэнэ” гэв. Харин Хятадын Гадаад хэргийн сайд Ван И, Австралийн Гадаад хэргийн сайд Пенни Вонгтой уулзах үеэрээ сүүлийн үед хоёр орны харилцаа сайжирч байгаа учир хууль ёсны асуудлуудыг шийдвэрлэнэ гэж ярьсан байна.
Эх сурвалж: “Зууны мэдээ” сонин
2022 ОНЫ АРВАННЭГДҮГЭЭР САРЫН 10. ПҮРЭВ ГАРАГ. № 219 (6951)
Бэйс Н.Дугаржавын намтрыг нэхэн хөөхүй
Монголын түүхэнд нэгэн цаг үед хамт оршиж нэгэн ижил хувь заяаг туулан намтар нь хоорондоо андуурагд
10 цаг 27 мин
Ногдол ашгаа бэлнээр авах санал ирүүлсэн 100 мянга гаруй иргэний саналыг парламент хэлэлцэнэ
УИХ-ын чуулганы нэгдсэн хуралдаан өчигдөр 10:00 цагт эхлэв. Хуралдаанаар Эрүүл мэндийн аж
10 цаг 27 мин
А.Н.Евсиков: Оросын санал болгож буй таатай нөхцөл, үнийн саналыг монголчууд өөр хаанаас ч олохгүй гэдгийг шударгаар хүлээн зөвшөөрөх хэрэгтэй болов уу
Монгол, Орос хоёр улс дипломат харилцаа тогтоосны 105 жилийн ой энэ сарын 5-нд тохиож байна. Тиймээс энэхүү түүхэн ойг тохиолдуулан ОХУ-аас манай улсад суугаа Онц бөгөөд Бүрэн эрхт Элчин сайд Алексей Николаевич Евсиковтой ярилцлаа.
10 цаг 27 мин
Галба шанхын ажнай, газар тэнгэрийг холбосон тоостой...
Гайхамшигт хутагтын шүлгүүд хувилгаан тарнийн шидтэй... хэмээвээс Дээд амгалангийн орон Дэмчогийн
22 цаг 36 мин
Н.Мишигдорж: Яагаад сураггүй алга болов гэдэгт хэрэг бүртгэлтийн хэрэг нээж, мөрдөн шалгах ажиллагааг явуулдаг
Н.Мишигдорж: Яагаад сураггүй алга болов гэдэгт хэрэг бүртгэлтийн хэрэг нээж, мөрдөн шалгах ажиллагааг явуулдаг
Өчигдөр 12 цаг 18 мин
Өвөрхангайн Засаг даргад С.Далхаасүрэн яригдаж эхлэв
Өвөрхангай аймгийн Засаг даргын суудал эзгүйрээд багагүй хугацаа өнгөрч байна. Аймгийн Засаг даргаар а
Өчигдөр 06 цаг 00 мин
Д.Трампын нам сонгуульд олонх болж чадсангүй
АНУ-ын завсрын сонгуулийн тойм дүн гарч, Ардчилсан нам Конгрессын хоёр танхимд олонх болох нь тодорх
Өчигдөр 06 цаг 00 мин
Монголын сэтгүүлчдийн нэгдсэн эвлэл “Бүс ба зам” мэдээллийн сүлжээний IV зөвлөлийн хуралд оролцлоо
Олон улсын хэвлэл мэдээллийн хамтын ажиллагааг бодит үр дүнд хүргэх, сэтгүүлчдийн мэргэжлийн чадавх, аюулг
Уржигдар 15 цаг 42 мин
Өвөрхангай аймгийн Засаг дарга асан А.Ишдоржид холбогдох авлигын хэргийг дахин хэлэлцэхээр болжээ
Өвөрхангай аймгийн Засаг дарга асан А.Ишдоржид холбогдох авлигын хэргийг дахин хэлэлцэхээр болжээ
Уржигдар 14 цаг 30 мин
Баривчлах, цагдан хорих арга хэмжээ авахад хүний эрхийг хангах чиглэлээр хуульд өөрчлөлт оруулна
Хууль зүйн байнгын хорооны өчигдрийн хуралдаанаар Эрүүгийн хэрэг хянан шийдвэрлэх ажиллагаанд илэрч байгаа системийн зөрчил, хүний эрхийн баталгааг хангах талаар асуудлыг хэлэлцэж байна.
Уржигдар 06 цаг 00 мин