Хөгжлийн банкны хэргийн араас нүүрсний хулгайн хэргүүд шүүхэд шилжинэ

2022-11-10
Нийтэлсэн: Админ
 2 мин унших

Т.САЙХАН

 

Засгийн газрын өчигдрийн хуралдаанаас гаргасан шийдвэрийн талаар БШУ-ны сайд Л.Энх-Амгалан, ХЗДХ-ийн сайд Х.Нямбаатар,  Соёлын сайд  Ч.Номин нар мэдээлэл хийлээ. Салбарын сайд нарын мэдээллийг хүргэе.

 

Л.Энх-Амгалан: СУРГУУЛЬ, ЦЭЦЭРЛЭГИЙН ГАЗРАА БУЦААН АВАХААР БОЛЛОО

 

-Сугалаагаар цэцэрлэгт ордог тогтолцоо байх ёсгүй, хална.  Монгол Улс, яагаад цэцэрлэг сургуульгүй болсон юм бэ. Шалтгааныг нь судалж үзэхэд, төрийн өмчийн их дээд сургууль, ерөнхий боловсролын сургууль, цэцэрлэгийн нийт газрын 70-80 хувь нь хулгайд алдагджээ. Хууль бусаар хэн нэгний нэр дээр шилжүүлсэн байна. Өнөөдрийн байдлаар 12 сургуулийн 2.1 га газар, найман их дээд сургуулийн 1.8 га газар хувь хүний нэр дээр буюу захирал, цэцэрлэгийн эрхлэгч нарын хамаарал бүхий хүмүүсийн нэр дээр шилжжээ.  Зарим нийтийн хэрэгцээний газруудад орон сууц барьж СӨХ-ийн нэр дээр шилжүүлсэн байна. Хөдөө орон нутгийн төрийн өмчит газар ч гэсэн гадаадын аялал жуулчлалын компанийн нэр дээр давхар бүртгэгдсэн тохиолдол байгаа. Иймд, ТӨБЗГ-аас иргэний болон хуулийн этгээдийн нэр дээр хууль зөрчиж, үнэ төлбөргүй шилжүүлсэн газар эзэмших эрхийг цуцалж, газрын үнийг буцаан төлүүлэх, шийдвэр гаргасан албан тушаалтанд хариуцлага тооцох шийдвэр гарсан.

 

Ч.Номин: АЯЛАЛ ЖУУЛЧЛАЛЫН НЭГДСЭН КАЛЕНДЕР ГАРГАНА

 

-Аялал жуулчлалыг хөгжүүлэх үндэсний хороог Ерөнхий сайд Л.Оюун-Эрдэнэ ахалж байна.  Тус хороо нь Монгол Улсыг олон улсад таниулах, соёлын аялал жуулчлал гэсэн хоёр ажил дээр голчлон ажиллаж байна. Монгол Улсыг олон улсад хэрхэн сурталчлан таниулах вэ гэдэг төлөвлөгөө гаргасан. Энэ төлөвлөгөөг хэрэгжүүлэхийн тулд нэн тэргүүнд Монгол Улсыг илэрхийлэх түлхүүр үг, өнгө төрхийг боловсрууллаа. Цаашид Монгол Улсыг гадаадад нэгдсэн байдлаар хэрхэн олон улсад таниулах вэ гэдэг дээр Гадаад харилцааны яам, Байгаль орчин аялал жуулчлалын яам, Соёлын яам хувийн хэвшил холбоодуудтайгаа ирэх гурван жил хамтран ажиллана.  Улсаа сурталчлах нэгдсэн календер гаргаж Засгийн газраар батлуулна.

 

Х.Нямбаатар: НҮҮРСНИЙ ХУЛГАЙН ХЭРГҮҮД УДАХГҮЙ ШҮҮХЭД ШИЛЖИНЭ

 

-АТГ, ЦЕГ-ын хамтарсан ажлын хэсэг хууль бусаар буюу бүртгэлгүйгээр хилээр нүүрс гаргаж байгаа хэргийг шалгаж байгаа. Үүнтэй холбоотойгоор олон хүний эрх ашиг хөндөгдөж байх шиг байна.  Тухайлбал, "Страто" компанийн хамаарал бүхий хүн хүртэл олон нийтийн сүлжээнд "Ерөнхий сайдыг үзэл бодлоо илэрхийлсэн залуучуудыг чам шиг хорьж цагдан, эрхийг нь хязгаарлахгүй" гэх агуулгатай нийтлэлүүдийг тавьж байна лээ. Нүүрсний гэх олон холбогдогчтой хэргийн мөрдөн шалгах ажиллагаа удахгүй дуусгавар болж, шүүхэд шилжих байх. Олон нийт сонор соргог анхааралтай ажиглах ёстой. Шүүх дээр элдэв орон зай гарч, Хөгжлийн банкны гэх мэт дуулиант хэргүүд удаашрах, хэн нэгэн шалгагдахгүй үлдэх вий. Мөрдөх байгууллагууд дээр дурдсан олон хүнд хамаарах хэргүүдийг бүхэлд нь шүүхэд шилжүүлэх ажил хийгдэж дуусаж байгаа. Араас нь нүүрсний хэрэг шилжинэ гэдгийг хэлье.

Эх сурвалж: “Зууны мэдээ” сонин

2022 ОНЫ АРВАННЭГДҮГЭЭР САРЫН 10. ПҮРЭВ ГАРАГ. № 219 (6951)

 

Ц.Сэргэлэн: Кибер аюулгүй байдлыг шүүх байгууллага дээд зэргээр хангах ёстой

Ц.Сэргэлэн: Кибер аюулгүй байдлыг шүүх байгууллага дээд зэргээр хангах ёстой

11 цаг 53 мин
25 бие даагч мөрийн хөтөлбөрөө ирүүлжээ

25 бие даагч мөрийн хөтөлбөрөө ирүүлжээ

12 цаг 0 мин
Д.Цогтбаатар: Шүүхээ муулаад Монгол төр тогтвортой, тэнцвэртэй явна гэж байхгүй

Д.Цогтбаатар: Шүүхээ муулаад Монгол төр тогтвортой, тэнцвэртэй явна гэж байхгүй

12 цаг 6 мин
Б.Энхбаяр: Захиалгаар хонгилддог хуулийн схем өв залгамжлах байдалтай байна

Б.Энхбаяр: Захиалгаар хонгилддог хуулийн схем өв залгамжлах байдалтай байна

12 цаг 9 мин
Бүгд найрамдах Киргиз улсын парламентын дарга Нурланбек Шакиев Монголд ирлээ

Бүгд найрамдах Киргиз улсын парламентын дарга Нурланбек Шакиев Монголд ирлээ

12 цаг 17 мин
Фото: Газрын гүн дэх уурхайн музей

Фото: Газрын гүн дэх уурхайн музей

17 цаг 27 мин
Х Богд Жавзандамба хутагтын өлмий бат орших болтугай

“Polit.mn” сайт “Төрсөн өдөр”  буландаа  дөрөвдүгээр сарын 23-нд төрсөн өдөр нь тохиож

18 цаг 14 мин
“Миний дайсны дайсан бол миний найз”

Дөрөвдүгээр сарын 14-ний шөнө Ираны нисгэгчгүй онгоц, баллистик болон далавчит пуу

20 цаг 23 мин
Улаанбаатар ба Токио хотын цэвэрлэх байгууламж хэрхэн ажилладаг вэ?

Манай улс анх 1964 онд төв цэвэрлэх байгууламжийг шүүх буюу механик цэвэрлэгээ хи

20 цаг 53 мин
Гадаад улсад байгаа иргэдээс санал авах ажлыг зохион байгуулах Төв комисс ажиллаж эхэллэ

Иргэдийн улс төрийн эрх, эрх чөлөөг хангаж, хамгаалах, сонгуулийн боловсрол мэдлэ

20 цаг 58 мин