С.Баярцогтын мэдэгдэл Х.Баттулга, С.Эрдэнэ, О.Цогтгэрэл гурвыг эвлэрлийн ширээнд суулгав уу?!

2022-11-03
Нийтэлсэн: Админ
 3 мин унших

Б.ДАМДИН-ОЧИР

 

С.Баярцогтыг шалгаж байсан Швейцарын прокурор түүнийг цагаатгах тогтоол үйлджээ. Уг тогтоолыг 2022 оны наймдугаар сарын 24-нд С.Баярцогтын гарт ирүүлжээ. Уржигдар тэрбээр Швейцарын прокурорын тогтоолыг Нийслэлийн прокурорын газарт аваачиж өгсөн юм.

Уг нь Монголын бүх шатны шүүхээс С.Баярцогтыг “...Гэм буруутай” хэмээж ял шийтгэсэн. Хамгийн сүүлд, 2021 оны тавдугаар сард Дээд шүүхээр хэлэлцээд шийтгэлийг хэвээр үлдээсэн байв. Гэвч үүнээс хоёр сарын дараа гэнэтхэн Дээд шүүхийн хоёр шүүгч тусгай санал гаргасан байдаг. Тэр дагуу Дээд шүүхийн Эрүүгийн танхим хуралдаж хэргийг нэмэлт мөрдөн байцаалтад буцаасан. Харин мөрдөх байгууллага жилийн дараа С.Баярцогтын хэргийг хэрэгсэхгүй болгох санал гаргаж, Нийслэлийн прокурорын газар уг саналыг хүлээж аваад 2022 оны зургадугаар сарын 13-ны өдөр хэргийг хэрэгсэхгүй болгосон юм.

Нэгэнт хэргийг нь хэрэгсэхгүй болгосон Нийслэлийн прокурорын газарт Швейцараас ирсэн гэх бичгийг аваачиж өгөх нь С.Баярцогтын хувьд төдийлэн ач холбогдолгүй. Үүнийг тэр маш сайн мэдэж байх ёстой.

Дээрээс нь гадаадын хууль хяналтын байгууллагын тогтоол шийдвэр Монголын прокурорын байгууллагад хэрэг явдалд шалгагдсан этгээдийн гараар дамжаад ирдэг болсон нь хачирхалтай л байгаа юм. Үүнийг холбогдох байгууллагууд албан ёсоор тайлбарлах цаг ирэх биз ээ.

Тиймээс С.Баярцогтын тухайл Швейцараас ирсэн гэх бичгийг өгөх далимаар хэвлэлийнхнийг дуудаж, өөр агуулга бүхий мэдэгдлийг хийлээ. Тодруулбал, “...Би улс төрийн үйл ажиллагаанд идэвхтэй оролцоно” гэж мэдэгдэв.

Энэ нь юу гэсэн үг болохыг олон нийт, ялангуяа улс төртэй ойр хүмүүс шууд л гадарлана. Учир нь С.Баярцогт АН-ын дарга болохоор өнгөрсөн зунаас хойш явж байгаа юм. Түүнийгээ хэлжээ. Нэг үгээр хэлбэл, “...Би АН-ын даргын төлөө зүтгэхээр шийдлээ” гэдгээ л уржигдар Нийслэлийн прокурорын газрын үүдэнд хэлсэн гэсэн үг. Үнэхээр тэр хэлсэнээрээ “улс төрийн үйл ажиллагаа”-гаа улам эрчимжүүлж эхэлсэн байна.

Өнөөдөр гэхэд л Циркийн тэр хавьд байдаг “G center”-ийн долдугаар давхарт Э.Бат-Үүл, Б.Хурц, Ч.Өнөрбаярын нарын улс төрийн дэмжлэг үзүүлж буй нөхөдтэйгээ уулзахаар болжээ.

Тэгвэл нөгөө талд нь, С.Баярцогтын мэдэгдлийн дараахнаас АН-ын хоёр тамгатай дарга нар уулзалдаад эхэлжээ. Уржигдар л гэхэд Х.Баттулга, С.Эрдэнэ нар нэгдэх шийдэлд хүрсэн байна. Х.Баттулгын АН-ын генсек И.Мөнхжаргал С.Эрдэнэ дээр очиж энэ талаар ярилцжээ. Тэгээд хоёр талаасаа тус бүр зургаан хүн гаргажээ. Ингээд ҮБХ-ны гишүүдийн гарын үсгийг цуглуулах зэрэг ажлуудыг эхлүүлжээ. Тэд өчигдөр орой хотын төвийн “Blue Sky” дээд давхарт байдаг ресторанд уулзаж, нарийн ширийнээ ярьцгаажээ.

Гэхдээ Х.Баттулга, С.Эрдэнэ хоёрын нэгдэл нь С.Баярцогтыг АН-ын даргад зүтгүүлэгчдэд таалагдахгүй байгаа бололтой. Ч:Өнөрбаяр л гэхэд “...Х.Баттулга, С.Эрдэнэ хоёр нэгдлээ гээд яадаг юм бэ. Есдүгээр сарын 27-нд гарсан шүүхийн шийдвэрээр энэ хоёр хүн хоёулаа АН-ыг төлөөлөх эрхгүй болсон” гэсэн байна.

Харин АН-ын жирийн гишүүд дэмжигчдийн дийлэнх, мөн УИХ дахь бүлгийн гишүүд нь “...Х.Баттулга, С.Эрдэнэ хоёр нэгдэж, АН-ын тамга нэг болох цаг нь ирсэн” гэж үзэж буй аж. УИХ дахь АН-ын бүлгийн дарга О.Цогтгэрэл “...Энэ хоёр нэгдчихвэл бүлэг нийлэхэд асуудалгүй” гэсэн байна.

Ер нь бол С.Баярцогтын мэдэгдэл Х.Баттулга, С.Эрдэнэ, О.Цогтгэрэл гурвыг эвлэрлийн ширээнд суулгав бололтой.

Эх сурвалж: “Зууны мэдээ” сонин

2022 ОНЫ АРВАННЭГДҮГЭЭР САРЫН 3. ПҮРЭВ ГАРАГ. № 214 (6946)

 

Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

6 цаг 53 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

7 цаг 22 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

7 цаг 26 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

14 цаг 38 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

14 цаг 38 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Өчигдөр 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Өчигдөр 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Өчигдөр 06 цаг 00 мин
2026.11.13: Улстөрчдийн хэн юу хэлэв?

Өнгөрсөн баасан гарагт УИХ-ын чуулганы нэгдсэн хуралдаанаар ирэх оны төсвийн төслийг хэлэлцэн баталлаа. 

Өчигдөр 06 цаг 00 мин