“Эх орондоо л очихсон” баримтат киног олон нийтэд үзүүлэх боллоо

Нүүр

Урлаг

“Эх орондоо л очихсон” баримтат киног олон нийтэд үзүүлэх боллоо

2022-10-30

Нийтэлсэн: Админ

1 мин унших

ХУВААЛЦАХ

ЖИРГЭХ

Соёлын гавьяат зүтгэлтэн, сэтгүүлч, найруулагч Г.Золжаргалын “Zoljargal and Son film”,Зөвийг шүгэлдэгчид НҮТББ-ын хамтын бүтээл, “Эх орондоо л очихсон” баримтат киног олон нийтэд үзүүлэхээр боллоо. Уг баримтат кино нь Ковидын хөл хорионы үед хилийн чанадад гацсан иргэдийн цөхрөл, итгэл найдвар, цаашлаад туулсан зам, үзсэн хагацлыг мэдрүүлсэн бүтээл юм.

Киноны продюсерээр Б.Ганзориг, найруулагч З.Батбилэг, туслах найруулагч, редактор М.Батцэрэн, зураглаач Э.Тэмүүжин, дууны найруулагч Г.Батмөнх гэх мэт залуу уран бүтээлчид ажилласан юм.

Ковид цар тахлаас бид маш олон зүйлийг сурсан. Хамгийн чухал нь хүнд хэцүү цаг үе тохиолдоход төр засгийн шийдвэр, иргэд хоорондын харилцаа хүнлэг байж, хүний эрхийг нэгдүгээрт тавихын чухлыг суралцсан. Хүмүүс бие биеэ хайрладаг, эрх баригчид нь хүний эрхийг дээдлэгч байгаасай гэх үзэл санааг кино урлаг тэр дундаа баримтат киногоор хөндөн ийнхүү илэрхийлж байгаа аж.

Zoljargal and Son Film Зөвийг шүгэлдэгчид НҮТББ-ын залуус цаашдаа ч хамтран нийгэмд тулгамдаж буй асуудал болон хүний эрхийн чиглэлээр жил бүр баримтат кино хийж хамтдаа нийгэмд шүгэл үлээхээр зорьж байгаа юм.

“Эх орондоо л очихсон” киног 11 дүгээр сарын 5-7-ны өдрүүдэд Тэнгис кино театрт олон нийтэд үзүүлэх юм байна.