С.САРУУЛ

Ургац хураалтын явцын байдлыг Хүнс, хөдөө аж ахуй, хөнгөн үйлдвэрийн яамнаас танилцууллаа. Тодруулбал, энэ онд улсын хэмжээнд 378.1 мянган га-д үр тариа, үүнээс 353.1 мянган га-д улаанбуудай, 19.9 мянган га-д төмс, 11.1 мянган га-д хүнсний ногоо, 57.4 мянган га-д малын тэжээл, 117.4 мянган га-д тосны ургамал, 4.6 мянган га-д жимс, жимсгэнэ, нийтдээ 588.5 мянган га-д тариалалт хийсэн.

Ургацын урьдчилсан балансаар 470.3 мянган тонн үр тариа, үүнээс 441.4 мянган тонн улаанбуудай, 234.1 мянган тонн төмс, 125.8 мянган тонн хүнсний ногоо, 55.7 мянган тонн  тосны ургамал, 104.4 мянган тонн малын тэжээлийн ургамал тус тус хураан авах боломжтой гэсэн төлөв гарсан юм.

Ургац хураалтын явц өнөөдрийн байдлаар 31.6 мянган га-гаас 37.9 мянган тонн үр тариа, үүнээс

• 30.3 мянган га-гаас 36.3 мянган тонн улаанбуудай,
• 7.9 мянган га-гаас 92.9 мянган тонн төмс,
• 3.8 мянган га-гаас 35 мянган тонн хүнсний ногоо,
• 2.9 мянган га-гаас 9.4 мянган тонн тэжээлийн ургамал,
• 3.8 мянган га-гаас 1.2 мянган тонн тосны ургамал тус тус хураан авсан мэдээтэй байна.

Мөн улсын хэмжээнд таван их, дээд сургууль ЗХЖШ-ын 18 анги нэгтгэлээс нийт 3,102 оюутан цэргийн албан хаагч ургац хураалтад оролцохоор аж ахуйн нэгжүүдтэй гэрээ байгуулан ажиллаж байгаа аж.

Эх сурвалж: www.polit.mn