С.САРУУЛ

Нэгдүгээр ангид элсэх сурагчдын бүртгэл энэ сарын 19-нд эхэлсэн. Зургаан настнуудыг  E-Mongolia академитай хамтран улсын хэмжээнд цахимаар бүртгэж буй юм. Тэгвэл зарим сургууль бүртгэхгүй байна гэсэн гомдлыг эцэг эхчүүд гаргажээ. Энэ талаар албаны хүн “Хэрэв сургууль таны хүүхдийг бүртгэхээс татгалзсан бол тухайн сургуулийн элсэлтийн комисст хандах хэрэгтэй” гэлээ.

Бүртгүүлэхдээ:

-E-Mongolia системд өөрийн бүртгэлээр нэвтэрнэ.

-Үйлчилгээ цэсээс "Боловсрол" цонхыг сонгон нээнэ.

"Төрийн өмчийн ерөнхий боловсролын сургуулийн нэгдүгээр ангийн элсэлт, бүртгэл" үйлчилгээг сонгоно /Бүртгэл эхлэх өдөр үйлчилгээг олон нийтэд нээлттэй болгоно/.

Дэлгэцэд таны сургуулийн насны хүүхдүүдийн мэдээлэл гарч ирнэ.

Сургуульд элсэх хүүхдийнхээ мэдээлэлтэй танилцан, асуултыг бөглөөд үргэлжлүүлэх товч дарна. Үүний дараа таны хүүхдийн элсэлтийн төлөв харагдана.

Мэдээллээ дахин нягтлаад баталгаажуулах хэсэгт дарж "Тийм" товч дарснаар таны хүсэлт амжилттай илгээгдэнэ.

Эх сурвалж: www.polit.mn