Б.АЛТАНГЭРЭЛ
"Зууны мэдээ" сонин “Урлаг” буландаа үндэсний язгуур урлагийн “Цагаан лавай” чуулгын жуулчдад зориулсан үндэсний урлагийн тоглолтоос сурвалжлага бэлтгэлээ.
Энэ өдрийн зочид солонгос жуулчид байв
Монголын отгон чуулгаар нэрлэгдээд буй “Цагаан лавай” чуулга үүсгэн байгуулагдаад таван жилийг ардаа үджээ. Тус чуулга одоогоор жуулчдад зориулсан ардын урлаг, өв соёлыг сурталчлан таниулах “Nomadic legend” тоглолтоо өдөр бүр толилуулж байгаа юм. Уг тоглолт нь ардын хөгжим, бүжиг, бие биелгээ, хөөмий, магтаал, морин хуур, цамын бүжиг, уртын болон ардын дуу, уран нугаралт зэрэг цогц хөтөлбөртэй. Чуулгын хаалгаар ороход монгол үндэсний хувцастай охид нүүр дүүрэн мишээж, цагаан хадаг, мөнгөн аягатай идээ барин угтах нь содон. Энэ удаагийн тоглолтыг Солонгос улсын жуулчид үзэж байхтай таарсан юм. Тэд театрын тохижилтоос гадна үндэсний брэндийн бэлэг дурсгалын зүйлсийг харж, сонирхож байгаа нь илт. Үндэснийхээ өв соёлыг гадны жуулчдад сурталчлан таниулах зорилготой тус тоглолтын хамбан улаан хөшиг нээгдэв. Хацар гоо донжтой хөгжимчин охид мишээл цацруулан уянгалаг аялгуугаар сонор мялаахад тайзнаа халхын сайхан Юндэнг санагдуулам дуучин уртын дуу дуулна. Уртын дууны шуранхай, тайзан дээрх монгол ахуй дүрслэл нь гадны жуулчдад өвөрмөц, содон өнгө, торгон мэдрэмж төрүүлж байсан нь лавтай.
Жуулчдад зориулсан цогц үйлчилгээ
“Nomadic legend” тоглолтын үзэгчдийг огшоосон, уулга алдуулсан үзвэрийн нэг нь уран нугараач охины нум сум харвах үзүүлбэр байсан юм. Тэрбээр нугаралтаараа биеийн уян хатан байдал, гоо үзэсгэлэнгээ тодотгоно. Харин үзүүлбэрийнхээ төгсгөлд тусгайлан зассан самбарт хөлөөрөө нум сум харваж үзүүлсэн нь танхимд цугласан жуулчдыг суудлаас нь өндөлзүүлж чадав. Түүний үзүүлбэрийг хараад гайхсан үзэгчид суудлаасаа босч, нугараач охинд нижигнэсэн алга ташилтаар талархсан сэтгэлээ илэрхийлсэн юм. Үүнээс гадна хөөмий, бөөгийн бүжиг, найрал хөгжим зэрэг бүхий л үзүүлбэрүүд энэ тоглолтын гол чимэг байсан юм.
Үүнээс гадна тус чуулгын хувьд зөвхөн тоглолт хийгээд зогсохгүй жуулчдад зориулсан монгол үйлдвэрийн цүнх, бяцхан модон гэр, ноолууран хувцас зэргийг дэлгэжээ. “Цагаан лавай” чуулгын үүсгэн байгуулагч Ц.Цагаанхүү “Манай орон зуны улиралд л жуулчид хүлээж авдаг. Тэдгээрийн үзэж, сонирхох хамгийн гол зүйл нь үзэсгэлэнт байгалиас гадна нүүдэлчин соёл, үндэсний урлагийн тоглолт байдаг. Энэ жил Соёлын яамны аялал жуулчлалыг хөгжүүлэх бодлогын хүрээнд урлагийн зургаан байгууллага хамтран “Nomadic legend” ардын урлагийн тоглолт, өв соёлын хөтөлбөрийг хэрэгжүүлж байна” гэв.
Эх сурвалж: “Зууны мэдээ” сонин
2022 ОНЫ НАЙМДУГААР САРЫН 17. ЛХАГВА ГАРАГ. № 157 (6889)
Монгол–Японы сургалтын эмнэлгийн бүтээн байгуулалтад хувь нэмэр оруулсан К.Шинохара тус эмнэлэгт зочиллоо
Япон Улсын бизнес эрхлэгч, нийгмийн зүтгэлтэн Кэсао Шинохара өнөөдөр АШУҮИС-ийн харьяа М
1 цаг 37 мин
Банк, санхүүгийн салбарын эмэгтэйчүүдийн чуулганы үеэр Голомт банк тогтвортой хөгжлийг дэмжих хамтын ажиллагаанд нэгдлээ
“Санхүү, банкны эмэгтэйчүүдийн холбоо”-ны 10 жилийн ойн хүрээнд “Тогтвортой, ногоон,
10 цаг 5 мин
2026.10.21: Улстөрчдийн хэн юу хэлэв
Засгийн газрын ээлжит хуралдаан өчигдөр болж, холбогдох байнгын хороод хуралдав. Өчигдөр болсон үйл явдлаас “Улстөрчдийн хэн юу хэлэв” буландаа онцлон хүргэж байна.
10 цаг 20 мин
Н.Учрал: Дөрвөн сонголтоор 40 мянган айлыг орон сууцжуулна
Ерөнхий сайд Н.Учрал “50 мянган яндан буулгах, 100 мянган айлын орон сууц" үндэсний хөтөлбөр эхэлсн
10 цаг 20 мин
Өндөр хүчдэлийн түгээх шугам дахь махчин шувуу хамгааллын ажлын үр дүн хэлэлцэх хурал болж олон нийтэд зориулсан вэбсайт танилцууллаа
Монгол орны хээрийн махчин шувуудыг өндөр хүчдэлийн түгээх шугамд хүчдэлд
10 цаг 20 мин
JUNIOR CUP: Ангиараа оноо цуглуулж, шагналын төлөө өрсөлдөөрэй
SocialPay Junior аппликэйшнийг хэрэглэдэг дунд болон ахлах ангийн сурагчдад зориулсан JUNIOR CUP оноо цуглуулах хөтөлбөр хэрэгжиж байна.
Өчигдөр 14 цаг 13 мин
Дижитал арт, электрон хөгжимтэй “Kharkhorum halloween” Steppe arena-д болно
Энэ зун Төв Цэнгэлдэх Хүрээлэнг доргиож, бүтэн сарын турш цахим ертөнцийн тренд сэдэв болж чадса
Өчигдөр 14 цаг 10 мин
НҮБ ноцтой эрсдэлтэйг анхааруулав
Йемений гурав дахь том хот Таизыг хуситууд бараг бүрэн бүсэлж, ихэнх нийлүүлэлтийн замыг таслан иргэдийг "ноцтой эрсдэлд" оруулсан гэж НҮБ мэдэгдлээ. Хуситууд болон Засгийн газрын хүчний хүнд тулалдаанаас хүн ам шигүү суурьшсан хороолол ихээхэн сүйдсэн байна.
Өчигдөр 11 цаг 33 мин
Путин, Трамп, Си Жиньпин нар гурвалсан уулзалт хийж магадгүй
Аль тал нь тус бүр албан ёсоор батлаагүй ч, Шэньжэнь хотод болох АПЕК-ийн дээд хэмжээний уулзалт
Өчигдөр 11 цаг 29 мин
2026.10.20: Улстөрчдийн хэн юу хэлэв?
УИХ-ын холбогдох байнгын хороод 2027 оны Төсвийн төслийг хэлэлцэж эхэллээ.
Өчигдөр 06 цаг 00 мин