Б.БАЯРЖАВХЛАН

Засгийн газрын ээлжит хуралдааан өнөөдөр (08.10) болж байна. Улаанбаатар хотын төвлөрлийг сааруулахын тулд төр захиргааны зарим байгууллагийг Хөшгийн хөндий рүү нүүлгэхээр Засгийн газрын тогтоолыг эцэслэн баталлаа. Барилга хот байгуулалтын сайд Л.Мөнхбаатар “Хөшигийн хөндийд цаашид бий болох ажлын байртай уялдуулж ямар төлөвлөлтүүдийг бий болгох ёстойг Засгийн газар хөгжлийн төлөвлөлтөө батлуулсан. Төлөвлөлт батлагдсан үеэс инженерийн дэд бүтцийн эх үүсвэр шугам сүлжээний ажлуудыг хийж эхэлсэн.  Тухайн газар цэвэрлэх байгууламж барих эх үүсвэр, цахилгаан дулааны ажлын зургуудыг хийлээ.

Энэ дагуу Хөшигийн хөндий дэх онгоцны буудал, Шинэ зуун мод хот хавийн инженерийн дэд бүтцийн ажлын зураг эцэслэгдэн батлагдаж, техникийн шийдэл болон төсвийг тооцоолсон. Эхний ээлийн инженерийн дэд бүтэц 498 тэрбум төгрөгийн хөрөнгө оруулалт хэрэгтэй гэж гарч ирсэн. Ингэснээр өнөөдрийн Засгийн газрын хуралдаанаар төр захиргааны зарим байгууллагыг Хөшигийн хөндий рүү нүүлгэх Засгийн газрын тогтоол албажиж эцэслэн батлагдлаа” гэв

Эх сурвалж: www.polit.mn