• Зууны мэдээ сонин онлайн захиалга

АСЕАН-ы ерөнхий нарийн бичгийн даргаар Као Ким Хорн ажиллахаар болов

З.Батцэцэг


Камбожийн ерөнхий сайдын Тамгын газрын сайд Као Ким Хорн 2023 оноос эхлэн Зүүн өмнөд Азийн орнуудын холбооны (АСЕАН) ерөнхий нарийн бичгийн даргын албан тушаалд очно. Энэ тухай Камбожийн Гадаад хэрэг, олон улсын хамтын ажиллагааны яамны Төрийн нарийн бичгийн дарга Кунг Фоак мэдэгдэв. Түүний хэлснээр Пномпеньд нээгдсэн бүс нутгийн холбооны гишүүн орнуудын Гадаад хэргийн сайд нарын 55 дахь удаагийн уулзалтын үеэр АСЕАН-ы орнуудын Гадаад хэргийн сайд нар уг томилгоог аль хэдийнэ тохиролцсон байна.
Као Ким Хорн нь АСЕАН-ы ерөнхий нарийн бичгийн даргаар ажиллах анхны Камбожи хүн болно. Тэрбээр 2018 оны нэгдүгээр сарын 1-нд албан тушаалдаа орсон Бруней улсын төлөөлөгч Лим Жок Хойг орлох юм. Зүүн өмнөд Азийн улсуудын холбоо нь 1967 онд байгуулагдсан. Өнөөдөр Зүүн өмнөд Азийн Бруней, Вьетнам, Индонез, Камбожи, Лаос, Малайз, Мьянмар, Сингапур, Тайланд, Филиппин гэсэн улсыг нэгтгэж байна. Камбожи 1999 оны дөрөвдүгээр сарын 30-нд АСЕАН-ы гэр бүлд нэгдсэн.

Эх сурвалж: polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.