З.БАТЦЭЦЭГ

 
ОУВС ойрын ирээдүйд дэлхийн эдийн засгийн хөгжлийн хэтийн төлвийг гутранги төсөөлж буй олон улсын бас нэгэн байгууллага боллоо. Кристалина Георгиевагийн хэлтэс манай гарагийн эдийн засаг орчин үеийн түүхэн дэх хамгийн огцом удаашрал руу шилжиж байна хэмээн үзэж байна. Европын хувьд хамгийн том аюул бол тивийг Оросын хийнээс бүрэн салгах. Бараг дээд амжилт тогтоосон инфляцтай хослуулан энэ нь Европын эдийн засгийн өсөлтийг 1970-аад оноос хойшх хамгийн доод түвшинд хүргэж болзошгүй юм. Дашрамд хэлэхэд Оросын эрчим хүчний эх үүсвэр тэр дундаа байгалийн хийг бараг хагас жилийн турш ашиглахаас бүрэн татгалзаж буй Европын улстөрчид, эдийн засагчид ийм хэтийн төлвийг урьдчилан таамаглах ёстой байсан. Өдөр бүр тэд зорилгодоо хүрэхэд ойртож байна.

Одоо байгаа чиг хандлага хэвээр үргэлжилж, ойрын саруудад тэд алга болно, сулрах болно гэж үзэх үндэслэл байхгүй бол шинэ урьдчилан таамаглагчдын үзэж байгаагаар энэ онд дэлхийн эдийн засгийн хөгжлийн түвшин 2.6 хувь хүртэл буурч, 2023 онд хоёр хувь болно. Өнгөрсөн зууны далаад оноос хойш ийм удаашралтай хөгжил байгаагүйг статистик сануулж байна. Хамгийн гунигтай таамаг биелэх магадлал урьд өмнөхөөсөө өндөр байгааг урьдчилан таамаглагчид онцолж байна. Тухайлбал, одоо тэд G7-ын орнуудын эдийн засгийн уналтад орох магадлалыг 15 хувь гэж тооцож байгаа нь ердийнхөөс дөрөв дахин их байна. Хөгжингүй болон хөгжиж буй орнуудын хувьд хүнд хэцүү цаг үеийг туулна гэж урьдчилан таамаглаж байгаа ОУВС Оросын эдийн засгийн хөгжлийн хэтийн төлвийг нэлээд өөдрөгөөр харж, томоохон сорилтуудыг амжилттай даван туулж байна гэж үзэж байна. Шинэ таамаглалаар 2022 онд Оросын эдийн засгийн уналт зургаан хувь байна. Дөрөвдүгээр сард 8.5 хувиар буурна гэж таамаглаж байсныг санаж байна. Украины эдийн засгийн хувьд энэ онд 45 хувиар буурна гэж тус сангийн эдийн засагчид таамаглаж байна.

Европын тэргүүлэх эдийн засагтай орнуудын таамаглал огт эсрэгээрээ. Жишээлбэл, ОХУ-ын эсрэг ээлжит хориг арга хэмжээний багцаа шинээр нэвтрүүлсэн, зөвхөн буурал Европод төдийгүй магадгүй бүх дэлхий даяар Москвагийн эсрэг тэмцлийг удирдаж буй Их Британийн хувьд Оросын эсрэг хориг арга хэмжээний ачаар тодорхой хэмжээгээр Британийн эдийн засаг энэ онд 0.5 хувиар нэмэгдэх бөгөөд энэ нь 2023 онд зайлшгүй уналтад орно гэсэн үг. Их Британи одоо чинээлэг орнуудын дунд хамгийн өндөр инфляцтай буюу 9.4 хувь байна. Энэ нь одоогоор дээд амжилт биш ч сүүлийн 40 жилийн дээд амжилт юм. Аравдугаар сар гэхэд 12 хувьд хүрнэ гэж эдийн засагчид таамаглаж байна. Энэ нь вант улсын гол банк болох Английн Банкны (BoE) саяхан тавьсан зорилтоос зургаа дахин их байна. ОУВС-гийн ахлах эдийн засагч Пьер-Оливье Гуринша “Инфляцыг хяналтдаа байлгах хүртэл ВоЕ банк болон бусад өндөр хөгжилтэй орнуудын төвбанкууд тэсэж үлдэх ёстой. Мөнгөний бодлогыг чангатгах нь эдийн засагт хохирол учруулах болно. Хөнгөлөлтийн хэмжээг нэмэгдүүлэхийг хойшлуулах нь нөхцөл байдлыг улам дордуулна” гэв. Европын анхны эдийн засаг Германы хувьд ОУВС энэ онд 1.2 хувиар буурна гэж таамаглаж байгаа нь дөрөвдүгээр сард төсөөлж байснаас хоёр дахин их байна. Ерөнхийлөгч Ж.Байдены Конгрессийн завсрын сонгуулийн өмнөхөн сайшаагдсан Америкийн эдийн засгийн өсөлтийг ОУВС-гийн урьдчилан таамаглагчид дорой гэж нэрлэжээ. Америкийн эдийн засаг энэ онд 2.3 хувиар нэмэгдэх ёстой. Харин ирэх жил үүнээс ч бага буюу нэг хувиар нэмэгдэнэ. 

Эх сурвалж: “Зууны мэдээ” сонин

2022 ОНЫ НАЙМДУГААР САРЫН 2. МЯГМАР ГАРАГ. № 146 (6878)