“...АН-ын ах нар залуу үеэ нам дардаг”

2022-08-02
Нийтэлсэн: Админ
 4 мин унших

Б.ДАМДИН-ОЧИР

 

Наадам хавтгайрч, ковид өсөөд, гадаад ертөнц донсолж, дотоодын улс төр ширүүссэн өнгөрсөн долоо хоногт улс төрийн хүрээнд нэгэн үйл явдал болж өнгөрлөө. Тэр явдлыг “...Живж буй хөлөг онгоцноос юу дайждаг” гэдэгтэй зүйрлэмээргүй байна. Утга нь хөлөг онгоцондоо бус “юу”-ндаа байгаа юм. Юу гэхээр эдийн засагч Б.Дөлгөөн “нүүдэл” хийжээ. Тэрбээр АН-ын гишүүн, ҮБХ-нд нь багтаж явсан залуу л даа. Тэр МАН-д элссэн байна. Энэ талаараа хэвлэлд ярьжээ. 


Б.Дөлгөөнийг эдийн засагч гэдгээр нь олон нийт илүү танина. Тэрбээр олон улсын хөгжлийн эдийн засгийн магистрын зэрэгтэй. МУИС-ийн харьяа Монгол-Туркийн хамтарсан дунд сургууль, Канадын Виктория хотын Персон коллеж, Америкийн Коннектикат коллеж, Америкийн Харвардын их сургуулийг төгссөн. Хувийн хэвшилд ажиллаж байгаад хоёр жилийн өмнө ҮХГ-ын дэд даргаар томилогдож ажиллажээ.  “Шинэ сэргэлтийн бодлогын хурдасгуур төв”-ийн гүйцэтгэх захирал юм байна. 
Ийм намтар түүхтэй, эдийн засагч Б.Дөлгөөний улс төрийн сонголт анхаарал татсан юм. 


Тэрбээр “...Би шинэ үеийг сонгосон” гэжээ. Түүнийгээ “...Достоевскийн нэг үг байдаг “...Хүний амьдрал бол дэлхийгээс диваажин руу явах биш. Харин дэлхий дээр диваажинг бүтээхэд оршдог” гэж. Би ярихаасаа хийхийг илүүд үздэг хүн. Бодлого боловсруулах нь ажлын тодорхой хувь. Үүнийг боловсруулахад сурсан эрдэм, мэдлэгээ зориулсан. Гэхдээ хэрэгжүүлэх нь ажлын дийлэнх хувь нь. Өмнө нь Монгол Улсын олон бодлого боловсруулж байсан ч хэрэгжүүлж чадалгүй нураасан нь зөндөө. Нураагаад байгаагийн гол нь шалтгаан улс төрийн хүсэл эрмэлзэл байна уу гэдэгт бий. Бодлого нь байгаад хэрэгжүүлэх эрмэлзэл байхгүй бол ярихаас цаашгүй зүйл болох байх. Өнөөдрийн МАН-ын Засгийн газарт эдийн засгийн шинэчлэл хийх хүсэл эрмэлзэл байна. Энэ нь үүлэн чөлөөний нар шиг тохиох түүхэн мөч ч байж магадгүй. Тиймээс ч Л.Оюун-Эрдэнэ Ерөнхий сайдын багт энэ шинэчлэлийг хийх үйл явцад гар бие оролцохоор итгэл шулуудсан. Тийм, би шинэ үеийг сонгосон” гэв. Бас “...Товчхон хэлэхэд сурч мэдсэнээ улсын хөгжлийн төлөө зориулахад МАН боломж нээж өгч байна гэж үзсэн учраас элсэж орсон. Ерөнхийд нь харахад МАН-д 1990 оноос хойш хэд хэдэн үеийн шилжилт хийсэн байна. Энэ бол тухайн нэг үеийг хариуцлагажуулж, улсын ачааг үүрүүлэх боломжийг олгож, энэ хэрээр шинэчлэгдэж, улсын хөгжлийг ахиулах хүрдийг эргүүлж байна. ...Мэргэжлийн хүмүүст МАН боломж олгож байгаа. Үүнийг нэг намын төлөө биш, улсын төлөө хийж байгаа үйлдэл гэж би харж байна. “Шинэ сэргэлтийн бодлого” ч адил. Үүнийг хэрэгжүүлэх нь улсын төлөө гэхээс гадна хэрэгжүүлэгч гол улс төрийн хүчин нь байж чадна гэсэн итгэл үнэмшилтэйгээр МАН-ыг сонгосон” гэлээ.


Харин АН-ын гишүүн болсон тухайгаа “...Миний найзууд АН-д ч, МАН-д ч байсан. Би Монгол Улс ардчилсан тогтолцоотой, парламентын засаглалтай байх ёстой гэсэн бүрэн итгэлтэй хүн. Ардчилсан тогтолцоог хамгаалахын тулд миний хувь нэмэр аль талд нь илүү хэрэгтэй вэ гэж бодож байгаад нэгийг нь сонгосон нь АН байсан” гэжээ.


Түүнчлэн АН-ыг яагаад орхих болсноо “...АН-ын хувьд анх нам, холбоо байгуулж байсан ах нар одоог хүртэл сандал ширээгээ булаацалдаад сууж байгааг харж байна. Яах вэ, эрх мэдэл амар шилждэггүй байх. Гэхдээ залуу үед боломж олгохгүй нам дарах бүх арга хэмжээг авч байна. Үнэхээр харамсалтай. АН-ын ах нарын хувьд одоо тэтгэвэртээ гарч, дараагийн үедээ үүрэг хариуцлагыг нь шилжүүлэх болсон гэдгийг давхар хэлмээр байна” гэв.


 “...АН-ын чадалтай, ирээдүйтэй залуусын нэг” гэгдэж явсан Б.Дөлгөөн ингэж хэлээд намаа орхижээ. Араас нь янз бүрийн л гомдлын үг зүүж байх шиг байна. Гэхдээ хэлсэн нь энэ Б.Дөлгөөн болохоос ийм үг АН-ын залуусын хоолойд тээглэчихээд байгаа гэдэгтэй мөрийцсөн ч болно. Жишээ нь, АН-ын арай зоримог, цэвэр дуугараад байдаг Өмнөговийн намын дэд дарга байсан Б.Энхмөнх гэж залуу бий. Б.Дөлгөөний талаар тэр “...АН-ынханд энэ залуугийн чадвар чансааг ашиглах бүрэн дүүрэн боломж байсан. Гэтэл 2020 онд энэ залуугаас мөнгө нэхсэн. Бүр 100 сая шүү. Яг тэр цаг үед АН-ын дарга С.Эрдэнэ тэргүүтнүүд чадвартай залуусаа мөнгөний босго тавьж заазлахгүйгээр итгэл хүлээлгэх ёстой байсан. Гэтэл тэгээгүй. Тэгэхээр энэ залуугийн араас гомдлын үг шидэх эрх АН-ын хэнбугайд ч байхгүй” гэсэн байгаа юм. 
Ер нь бол АН өнөөдөр Баабарын хэлдгээр ёроолдоо тултал уначихсан. Харамсалтай. Уг нь Монголын тулгуур хоёр намын нэг шүү дээ. Тэр утгаараа АН ийм болсон нь таатай явдал ерөөс биш. Гэхдээ энэ бүхэн Б.Дөлгөөний хэлснээр ах нартай нь л холбоотой. Ах нар нь алдаагаа засчихвал сайн. Засахгүй бол Б.Дөлгөөний араас олон олон Дөлгөөн “Шинэ үеийг сонгоод” АН-аас мордчихыг үгүйсгэх аргагүй болсон байна. Гэтэл улс төрийн нам гэдэг гишүүд дээрээ тогтдог. Тэр утгаараа АН үнэт зүйлээ алдаад эхэлж байгаа юм.  

 

Эх сурвалж: “Зууны мэдээ” сонин

2022 ОНЫ НАЙМДУГААР САРЫН 2. МЯГМАР ГАРАГ. № 146 (6878)

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

6 цаг 41 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

11 цаг 47 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

18 цаг 15 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

18 цаг 15 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

18 цаг 15 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Уржигдар 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Уржигдар 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Уржигдар 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Уржигдар 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Уржигдар 06 цаг 00 мин