Б.ХУЛАНГОО

Амралт зугаалгын үе дуусч, ажил төрөл эхлэх цаг хаяанд ирлээ. Хэдий амарсан ч амраагүй юм шиг таны бие сульдаж ядраад, харшил шуухниа хөдлөөд байвал таньд гайхалтай шидтэй байгалийн антобитикийг танилцуулахаар бэлдлээ.

 Хус, нарс, гацуур, улиас зэрэг мод нь гадна талаараа гялгар тослог бодисоор бүрхэгдсэн байдаг. Тэрхүү бодисыг нь зөгий хавар намрын улиралд эрчимтэй цуглуулж үүрнийхээ зай завсрыг чигчиж битүүлдэг байна. Энэ бодис нь жили буюу прополис юм. Жилий нь цавуурхаг байдалтай, анхилуун тааламжтай үнэртэй, ногоовтор хар,улаавтар туяатай органик бодисын хольц юм.

Зөгийн жилийн 100 гаруй өвчний үед хэрэглэхэд өндөр үр дүн үзүүлдэг байгалийн гаралтай ямар ч аюулгүй антибиотик гэж тодорхойлжээ. Үүнд хоол боловсруулах  эрхтний салст бүрхэвчинд шууд идэвхтэй нөлөө үзүүлдэг учир ходоодны үрэвсэл, улайлтыг түргэн хугацаанд эмчлэхээс гадна мөөгөнцөр, үрэвслийн эсрэг мэдээ алдуулах, өвдөлт намдаах, хаван буулгах, яр шарх, ханиад томуу, цээж хорсох, уушгины сүрьеэ, эсийн хуваагдлыг хурдасгах, шүд амны амьсгалын замын бүх өвчин, арьсны өвчин, харшил, артикулит, бөөр, түрүү булчирхай, хеликобактерийг устгах гэх мэт бүхий л өвчний үед хэрэглэнэ. Ямар ч насны хүн хэрэглэхэд тохиромжтой учир гэр бүлээрээ ууж хэрэглэх боломжтой.

Эх сурвалж: www.polit.mn