З.БАТЦЭЦЭГ

Иорданы 25 настай гүнж ирээдүйтэй санхүүчтэй гэрлэжээ. Дурлалт хосууд болон сүйт бүсгүйд бэлэглэсэн гайхалтай бөгжийг харцгаая.

Иорданд баярын өдөр. Хатан хаан Раниа 25 настай охиноо сүй тавьснаа ёслол төгөлдөр зарлаж, дурласан хосын сэтгэл хөдөлгөм зургийг хуваалцаж, сүйт залуугийнх нь нэрийг ил болгожээ. Иман гүнж бол 51 настай хатан хаан Раниа, 60 настай II Абдулла нарын хоёр дахь хүүхэд юм. 25 настай гүнжийн сонгосон хүн нь Венесуэлийн иргэн Жамил Термиотис юм. Энэ залуу гүнжээс хоёр насаар ах бөгөөд Нью-Йорк дахь венчур капиталын санд менежерээр ажилладаг.

Хосууд харилцаагаа өнөөг хүртэл нууцалж байсан бөгөөд хэр удаан болзож байгаа нь тодорхойгүй байгаа тул сүй тавьсан тухай мэдэгдэл хааны шүтэн бишрэгчдэд гэнэтийн бэлэг болсон юм. Хатан хаан Раниа инстаграм хуудсандаа "Эрхэм Имандаа баяр хүргэе! Чиний инээмсэглэл миний төрсөн өдрөөс хойш үргэлж хайрлаж ирсэн хайрын бэлэг байсаар ирсэн. Жамил та хоёрт хайр, инээдээр дүүрэн амьдралыг хүсэн ерөөе!" гэжээ.

Йорданы хааны гэр бүлийн гэр бүлийн зураг: Хаан II Абдулла ба хатан хаан Раниа, угсаа залгамжлах ханхүү Аль Хуссейн, ханхүү Хашем, гүнж Иман, гүнж Салма, 2018 он

Тэрээр мөн Иман, Жамил хоёрын тэврэлдэж буй хосын албан ёсны сүйн зургийг шүтэн бишрэгчидтэйгээ хуваалцжээ. Тэрбээр сүйт залуугийнхаа цээжин дээр гараа тавиад дөрвөлжин хэлбэртэй сүйн бөгжийг үзүүлжээ.

Эх сурвалж: polit.mn