Б.ДАРЬСҮРЭН

Өнөөдөр /2022.07.04/ 16 цагийн орчим Сүхбаатар дүүргийн IX хороо, Дөлгөөн нуурын уулзвар дээр "Эмсид" ХХК-ийн Ч:31 "Улиастай-Дэнжийн 1000" чиглэлийн зорчигч тээвэрлэж явсан автобус шатлаа. Тухайн тээврийн хэрэгслийн хувьд 2009 онд үйлдвэрлэгдсэн, ашиглалтын 12 жилийн хугацаа нь дууссан байжээ. Нийтийн тээврийн автобус шатсан тохиолдол ганц энэ биш. Он гарсаар "Эрдэм транс", "Тэнүүн-огоо", "Эмсид" компанийн автобуснууд шатаад байна. Үүнээс харахад, нийтийн тээврийн салбарт яаралтай парк шинэчлэлт хийж, ашиглалтын хугацааг багасгахгүй бол "мөдхөн зорчигчтойгоо шатах вий" гэсэн айдас төрж байгаа юм.

Эх сурвалж: www.polit.mn