• Зууны мэдээ сонин онлайн захиалга

Хөнгөн атлетикийн ДАШТ-нд Монголын дөрвөн тамирчин оролцоно

П.Амгаланбаяр

АНУ-ын Орегон мужийн Южин хотод энэ сарын 15-нд хөнгөн атлетикийн дэлхийн аварга шалгаруулах тэмцээн  эхэлнэ. Тус тэмцээнд  200 гаруй орны 2000 тамирчин оролцохоор бүртгүүлжээ.  Уг тэмцээнд 1983 оноос хойш 18 дахь удаагаа зохион байгуулагдаж буйгаараа арвин түүхтэй.

"Орегон-2022" дэлхийн АШТ-д манай Монголын дөрвөн тамирчин оролцоно. Тодруулбал эрэгтэйчүүдийн марафонд Гавьяат тамирчин, Ази тивийн аварга Б.Сэр-Од, Ц.Бямбажав, Д.Гантулга, эмэгтэйчүүдийн марафонд Б.Мөнхзаяа нар оролцох аж. Харин дасгалжуулагчаар О.Оюунтуяа, Б.Доржпалам, Т. Шийтэрчулуун нар ажиллахаар болжээ.

ДАШТ-ий эрэгтэйчүүдийн марафон энэ сарын 17-ний 06:00 цагт, эмэгтэйчүүдийн марафон долоодугаар сарын 18-ны 06:00 цагаас гараанаас гарна. Тэмцээний шууд дамжуулалтыг АНУ-ын NBC Sports теле суваг хүргэх аж.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.