Н.НАМУУН
“Төрийн дуулал”-ын зарим үгэнд өөрчлөлт оруулах тухай санал илэрхийлж, “Эх нутаг хүн зоноо хамгаалъя” ТББ-аас өнөөдөр “Үндэсний мэдээллийн төв”-д мэдээлэл хийлээ. Тус ТББ-ын төлөөлөл Б. Хандсүрэн “Төрийн дуулал”-ын дөрөвдүгээр бадгийн эхний мөрөнд “Золтой” гэдэг үгийг сийрүүлэн задалваас “зол” нь тун чиг ядмагхан, мөчидхөн, тачирхан гэдэг утга санааг илэрхийлж байна. 1991-2006 он хүртэл “золтой” гэдэг үгээр дуулагдсаар иржээ. Мөн эхний бадгийн гуравдугаар мөрөнд байх “Далай их” гэдэг үг нь тэнгэрт хир дээдэс эс хүмүүнийг бурхны оронд үдэх вэ дээ. Бурхны орон нь далай шиг их учраас нэг усны дуслаар дүүрч байж далай дүүрнэ. Утсын чинээ улаан амь дуслын чинээ амийг минь өршөө гэдэг үг байдаг. Иймээс энэ үгийг “дайчин” гэдэг өвөг дээдсийн сүр хүчийг илтгэсэн үгийг оруулах нь зүйтэй” гэлээ.
Иймд дараах саналыг хүргүүлж байгаа аж.
- Санал асуулгын хэмжээнд Төрийн дуулал, сүлд, соёмбыг чухам дээдэд тооцон аливаа улс иргэн хэн ч буй хэлтийлгэн оролдохгүй байх ёстой. Энэ тухай үндсэн хуульд чухалчилан сануулан үлдээхийг дэмжин сануулах
- Төрийн дуулал, сүлд, соёмбыг ерөнхийлөгчийн ивээлд байлгахыг үндсэн хуульд шигтгэн лавшруулах
- Монгол хүүхдийг балчир багаас нь СӨБ-ын шатанд нь эх оронч санаа төлөвшлийг суулган хүмүүжүүлэхэд боловсролын яам онцгойлон анхаарах хэрэгтэй гэлээ.
Эх сурвалж:www.polit.mn