• Зууны мэдээ сонин онлайн захиалга

Таван банк ирэх оны зургаадугаар сарын 30-наас өмнө олон нийтийн хяналтад шилжинэ

 

Б.ОД

Монголын Хөрөнгийн биржийн Гүйцэтгэх захирал Х.Алтай Засгийн газрын ээлжит хуралдаанаас гаргасан шийдвэртэй холбогдуулан мэдээлэл өглөө.

Тэрбээр "Төрийн өмчит 25 компанийг Хөрөнгийн биржээр дамжуулан олон нийтийн хяналтад оруулах шийдвэр гарлаа. Төрийн өмчит компаниудыг хувьцаат компани болгохоос гадна Банкны тухай хуульд нэмэлт өөрчлөлт оруулсан нь төрөөс гаргасан нэг чухал шийдвэр болсон. Ингэснээр Монголын арилжааны банкууд, тэр дундаа системийн таван банк ирэх оны зургаадугаар сарын 30-наас өмнө олон нийтийн хяналтад шилжинэ. Энэ бүх үйл явдал Хөрөнгийн биржээр дамжина. Тэгэхээр Хөрөнгийн бирж олон нийтэд нээлттэй компани болсноор энэ том шинэчлэлийг илүү амжилттай явуулна" гэв

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.