Д.ДАРАМБАЗАР

Биеийн тамир, спортын улсын хорооны хүндэтгэлийн танхимд Монгол Улсын Ерөнхийлөгчийн зарлигаар Ш.Гансүхэд “Алтан гадас” одон гардууллаа. Монгол Улс, ОХУ-ын хооронд жүдо бөхийн түншлэл, спортын хамтын ажиллагааг өргөтгөн гүнзгийрүүлэхэд оруулсан хувь нэмрийг нь өндөөр үнэлж, шагнасныг БТСУХ-ны дарга Д.Жаргалсайхан гардуулж, баяр хүргэлээ.с Ш.Гансүх нь ОХУ-ын Бүгд найрамдах Якут улсын Биеийн тамир, спортын сайдын дэргэдэх Спортын төрөлжсөн сургуульд 14 дэх жилдээ ажиллаж байгаа юм. Энэ хугацаанд ОХУ-ын жүдо бөхийн аварга шалгаруулах тэмцээнд түүний бэлтгэн гаргасан шавь нар алт, мөнгө, хүрэл медаль цөөнгүй хүртэж, жиү жицү бөхийн төрөлд тив, дэлхийн медальтан олноор төрж гарсан нь багшлах ур чадвартай салашгүй холбоотой юм.

Эх сурвалж: www.polit.mn