“Шаазгай” шиг цуглах цагийн шаардлага ирэв үү?!

2022-06-17
Нийтэлсэн: Админ
 3 мин унших

Б.ДАМДИН-ОЧИР

 

Хойд хөрш маань Украинд “цэргийн тусгай ажиллагаа” явуулж байна. Дөрвөн сар боллоо. Ямартай ч үүнээс үүдсэн тогтворгүй байдал Монголд ч бас тодорхой доргилтуудыг өгч эхэлсэн. Хэзээ, яаж дуусахыг бүү мэд.

Тэгвэл өмнөд хөрш маань Америктай албан ёсоор шөргөөцөлдөөд эхэллээ. Саяхан Сингапурт долоо хоногийн өмнө болж өнгөрсөн “Шангри Ла яриа хэлэлцээ” олон улсын аюулгүй байдлын дээд хэмжээний уулзалтын үеэр энэ байдал ил болсон байна.

Энэ талаар гурав хоногийн өмнө www.brookings.edu-д “Brookings Institution”-ийн судлаач Райан Хасс “Шангри-Ла яриа хэлэлцээний үеэрх Америк, Хятад хоёр тулаан” гэдэг томоохон нийтлэл бичжээ. 

Түүнд нь “...Америкийн Батлан хамгаалахын сайд Ллойд Остин Америкийн бүс нутгийн талаарх эерэг хандлагыг илэрхийлсэн. Хятадын Батлан хамгаалахын сайд генерал Вэй Фэнхэ Хятад улс Азийн ирээдүйд хэрхэн чухал байх, яагаад энэ нь аль ч улсын хувьд алдаа болох талаар анхаарлаа хандуулсан” гэжээ.

Райан Хасс цааш нь “...Америкийн Батлан хамгаалахын сайд Ллойд Остин хэлэхдээ Хятад улс бүс нутгийн хил хязгаарыг шахах тусам Америк, түүний түншүүд тус улсын аюулгүй байдлын эсрэг харилцаагаа улам чангатгана. ... Америкийн зорилго бол улс орон бүр ашиг сонирхлоо хамгаалах чадварыг хүндэлнэ. Вашингтон улс орнуудыг Америк, Хятадын аль нэгийг сонгохыг албадахгүй. ...Вашингтон Тайванийн асуудлаар Хятадтай сөргөлдөхийг эрмэлзэхгүй. Тайванийн тусгаар тогтнолыг дэмжихгүй” гэсэн.

Хятадын Батлан хамгаалахын сайд генерал Вэй Фэнхэ тэмдэглэхдээ, “...Хятадын өсөлт хөгжил, цаашдын хөгжлийг зогсоох боломжгүй, Хятад улсыг бүс нутгаас тусгаарлаж, хасч болохгүй. Америкийн онцгой блок байгуулах гэсэн оролдлого бүс нутгийг хувааж, бүх нийтийн ашиг сонирхлыг сүйтгэх болно.  Хятадыг бүсэлж, хязгаарлах гэсэн Америкийн төлөвлөгөөг эсэргүүцэх”-ийг уриалав. Мөн тэрбээр “...Хятад улс Тайванийг тусгаар тогтнолд хүргэх аливаа хүчин чармайлтыг няцлах болно. Хэрэв сөргөлдөөнийг хүсч байвал Хятадын Ардын чөлөөлөх арми няцахгүйгээр эцсээ хүртэл тулалдах болно” гэж анхааруулав. Үүний зэрэгцээ, Вэй “...Энх тайвнаар нэгдэх нь Хятад улсын Тайванийн асуудлаарх нэн тэргүүний зорилго хэвээр байгаа. Хятад улс АНУ-тай харилцаагаа тогтвортой хөгжүүлнэ гэж найдаж байна” гэжээ.

Мөн “...Вэй Фэнхэгийн санааг Америк болон түүний Ази дахь холбоотон болон түншүүдийн харилцаа зовоож байж болох юм. Нэгдүгээрт, Байдены засаг захиргаа Бээжингийн хүлээлт, таамгаас давсан байх магадлалтай. Трампын эриний дараа Америк бүхэлдээ уналтад орж, дэлхийн тавцанд манлайлах чадавхи буурч байгаа тухай өөрийн ярианд итгэсээр байж магадгүй юм. Хоёрдугаарт, Орос Украин руу довтолсон нь Америкийн анхаарлыг Европ руу чиглүүлж, Хятад дахь стратегийн дарамтаас ангижрах болно гэж Хятадын олон шинжээчид таамаглаж байсан. Эдгээр хүлээлт биелээгүй. Гуравдугаарт, Америкийн өндөр албан тушаалтнууд Ази тивд айлчилж, Азийн түншүүдтэй харилцаж байгаа ч Хятадыг тойрч өнгөрдөг жишиг тэднийг бухимдуулсан. Энэ нь зарим талаар Хятад улс COVID-19-ийн хяналтаас болж де-факто хаалттай улс болсонтой холбоотой. Гэсэн хэдий ч Вашингтон Ази руу ихээхэн анхаарал хандуулж, Хятадтай хийх харилцааг харьцангуй нэн тэргүүнд тавихгүй байгаа нь Бээжинд дайсагналцаж, бүслэгдэх мэдрэмжийг төрүүлсэн байх магадлалтай” гэжээ.

Энэ нэг талынх нь, Америкийн судлаачийн л үг. Гэхдээ дээрх нийтлэлд дурдагдсан мэдээллийг олон улсын хэвлэлийн агентлагууд дамжуулсан.

Бидний хувьд эндээс өөр агуулга олж харах ёстой. Уг нь их гүрнүүдийн иймэрхүү геополитикийн тулаан бидний улс оронд шууд тусахгүй. Гэвч Орос, Хятадын дунд оршдог бид тусгаар тогтнолоо хамгаалах тал дээр онцгой анхаарахыг шаардаж байх шиг байна. Бидний “...Цувж явсан барнаас цуглаж суусан шаазгай дээр” гэдэг үг бий. Энэ нь парламент дахь ард түмний төлөөлөл олуулаа болох ёстой гэсэн үг. Чухам энэ л тусгаар тогтнолын наад захын баталгаа болно. Өөрөөр хэлбэл, “шаазгай” шиг цуглах цагийн шаардлагатай тулав бололтой.

Эх сурвалж: “Зууны мэдээ” сонин

2022 ОНЫ ЗУРГААДУГААР САРЫН 17. БААСАН ГАРАГ. № 119 (6851)

 

Х.Нямбаатарын хууль бус ажиллагаанд УБЕГ-ын албан тушаалтнууд оролцсон уу ?..

Хотын даргаар ажиллаж байхдаа Х.Нямбаатар нь Монгол Улсын Дээд шүүхийн шийдвэрийг зөрчин хууль бус үйл ажиллагаа явуулж, эмнэлгийн

1 цаг 36 мин
В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

Уржигдар 17 цаг 33 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

Уржигдар 12 цаг 27 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

Уржигдар 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

Уржигдар 06 цаг 00 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

Уржигдар 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

2026-11-19
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

2026-11-19
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

2026-11-19
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

2026-11-19