Б.ДАМДИН-ОЧИР
Ардын жүжигчин Г.Равдан гуай “Гэгээн муза” наадмын тайзан дээрээс янзын “үг” хэллээ. Тэрбээр “...Бурхад чуулдаг энэ тайзан дээр, энэ цаг үед Засгийн газрын “Шинэ сэргэлтийн бодлого”-ын талаар ярьж байна. Өнөөдөр энэ тайзны гол эзэд нь уран бүтээлчид байх ёстой. Тэрнээс биш сайд нар, Ерөнхий сайд биш, яамны түшмэл биш. Цаашид анхаараарай. Ажлаа албан өрөөндөө хий. Энэ гишүүд театрт очдоггүй. Жүжиг мэддэггүй. Боломж олдлоо гэсэн шиг ажлаа сурталчилдгаа болиорой” гэсэн юм. “Зрител” алга ташсан. Үнэндээ л алга ташмаар үг л дээ. Загатнасан газар маажсан.
Соёлын яамны Б.Сэргэлэн гэдэг дарга шагнал гардуулах гэж тайзан дээр гарч ирээд шал өөр юм ярьчихжээ. Тэр нь Г.Равдан гуайг бухимдуулжээ.
Уг нь бол энэ байдаг л юм. Хэвийн үзэгдэл. Монголд угаасаа л ингэдэг. Ийм болчихсон. Хэдэн хүн махийж байж нэг арга хэмжээ хийнэ. Нээлт дээр нь дарга нар бөөнөөрөө цуглана. Гардаж хийсэн хүмүүс нь гадаа хүлээнэ. Тууз хайчилдаг нээлт бол бүр олон “зочин”-той. Тууз нь харагдахгүй, хайч нь хүрэлцэхгүй. Зүгээр ч нэг очихгүй. Очоод тэр арга хэмжээнд хамаатай, хамаагүй баахан юм ярина. Тэр нь бараг л хэнд ч хэрэггүй. Хэрэгтэй байсан ч бүгд мэдчихсэн мэдээлэл ярина. Зочдын зорилго тодорхой. Тэр арга хэмжээ хэвлэлд гарна. Хэлснийг нь дарга нар харна. Ерөнхийдөө зочид үг хэлж сонсогчид нойрмоглодог. Яг ийм байдлаар ямар ч арга хэмжээг гал дээр ус хийж буй мэт унтраана.
Тийм учраас бүгд үүнд дургүй. Гэхдээ хэн ч Г.Равдан гуай шиг ил гаргаж хэлж байсангүй. Яахав, урлагийнхан, тэр дундаа Г.Равдан гуай зэргийн зангараг ингэж хэлэлгүй ч яахав. Ёстой л тэвчээр нь тасарсан байх л даа. Ядахад яам нь сайдаасаа эхлээд сав л хийвэл бүтэлгүйтэж байдаг. Бүтэлгүй ч юу байхав, төрийн ажлын туршлага, дадлага байхгүй. Төрийн хүний нуруу бүр “нет” учраас тэр. Соёлын яамныхан энэ талаар суралцах шаардлагатай.
Ер нь бол манай дарга нар баллана. Хэдэн гишүүн бол Ерөнхийлөгчийн зарлигтай төрийн шагналуудыг өвөртөлж аваад гараад давхичихна. Тойрогтоо оччихсон “Богдын боорцог” шиг тараана. Энэ бага хэрэг. Хаа байсан хотоос хэдэн зуун км-ийн алсад худгийн нээлт, бригадын төвийн байшингийн шав тавих ёслол дээр оччихсон л хайч барьчихсан зогсож байдаг. Тэгтэл өнөөх худаг, байшин хоёрыг нь тэнд амьдардаг хэд гээд очихгүй арга хэмжээ байхгүй л дээ.
Иймэрхүү байдлыг муухайгаар “Эсгий хийх газар юу хэрэггүй” гэдэг сэн. Дарга болгон толгойдоо хиймээр үг. Г.Равдан гуай бараг ингээд л хэлчихсэн хэрэг. Иймээс цаашид дарга нар ингэж “найр тарааж” явдагаа болих хэрэгтэй.
Эх сурвалж: “Зууны мэдээ” сонин
2022 ОНЫ ЗУРГААДУГААР САРЫН 17. БААСАН ГАРАГ. № 119 (6851)
ТЕХНОЛОГИЙН ШИЙДЭЛ- БИДНИЙ ИРЭЭДҮЙ
9,5 жил тутамд 1 Өгий нууртай тэнцэх хэмжээний газрын доорх цэнгэг усыг хэмнэх боломжтой болно байна.
1 цаг 3 мин
“Нийтлэлч Отгонбаяр” сангаас зарласан уралдааны шилдэг бүтээлийн эзэн тодорлоо
“Нийтлэлч Отгонбаяр” сангаас зарласан уралдааны шилдэг бүтээлийн эзэн тодорлоо
1 цаг 24 мин
“Алгасал баярын хайр, амь бэлэглэх хайр” 1788 дахь удаагийн цусны донорын аян өрнүүллээ
Цусан хангамжийг тогтворжуулж, сайн дураараа, үнэгүй цусаа хандивлах соёлыг түгээхэд хувь нэмэр оруулах зорилгоор ‘Даян дэ
1 цаг 41 мин
Б.Бадамцэцэг: Иргэдээ өвчлөхөөс нь өмнө хамгаалах концепц дэвшүүлсэн
“Зууны мэдээ” сонин салбар салбарын тэргүүлэгчид шинийг санаачлагчдыг “Leaderships foru
11 цаг 36 мин
2026 онд жуулчдыг татах стратеги боловсруулсан таван улс
Дэлхийн хамгийн алдартай хотууд жуулчдын хэт бөөгнөрлийг зохицуулахын тулд жуулчдын тоог хязгаарлах,
11 цаг 36 мин
“Эрдэнэтийн 49 хувь” дээр маргаан үүсэж, Д.Эрдэнэбилэг эх орондоо ирэхээр болжээ
Саяхан даа, ердөө зургаан жил гаруйхны өмнө Засгийн газраас “Эрдэнэт үйлдвэр”-ий
11 цаг 36 мин
МАН-ын 2027 оны сонгуулийг Т.Бадамжунай “чиглүүлж”, Ж.Мөнхбат удирдах уу?
Эрх баригч МАН дотооддоо санаанд оромгүй шинэчлэлт, өөрчлөлтүүдийг хийж байна. Саяхан болж өнгөрсөн Бага хурлы
11 цаг 36 мин
Монгол Улсад Үндэсний сэтгүүл зүй үүсэж хөгжсөний 113 жилийн ой тохиолоо
Монгол Улсад Үндэсний сэтгүүл зүй үүсэж хөгжсөний 113 жилийн ой тохиолоо.
Уржигдар 13 цаг 20 мин
Сэтгүүл зүйн салбарын "Media Mongolia-2026" чуулган боллоо
Сэтгүүл зүйн инновац, хөгжлийн үүр төвөөс Монгол Улсад үндэсний сэтгүүл зүй үүсэж хөгжсөний 113 жилийн ойг угтаж, салбарын хамгийн том чуулган болох "Media Mongolia-2026"-г хоёр дахь жилдээ зохион байгууллаа.
Уржигдар 13 цаг 12 мин
Алдарт эхийн одонт ээжүүдэд зориулсан хүндэтгэлийн ёслол боллоо
Олон улсын эмэгтэйчүүдийн эрхийг хамгаалах өдрийг тохиолдуулан Алдарт эхийн одонт ээжүүдэд зориулсан хүндэтгэлийн ёслол Төрийн ордонд боллоо. Ерөнхийлөгч У.Хүрэлсүх ээжүүд, эмэгтэйчүүдэд талархал илэрхийлэн, баярын мэндчилгээ дэвшүүлснийг Ерөнхийлөгчийн Тамгын газрын дарга А.Үйлстөгөлдөр уламжиллаа. МОНГОЛ УЛСЫН ЕРӨНХИЙЛӨГЧ МЭНДЧИЛГЭЭНДЭЭ: Эх орны минь эхлэл болсон Монголын сайхан ээжүүд ээ,
Уржигдар 13 цаг 06 мин