Ц.БАЯР
“Аюулгүй байдлын төлөө ээжүүдийн холбоо” ТББ-аас өнөөдөр /06.06/хэвлэлийн хурал хийсэн юм. Тус ТББ-ын тэргүүн Г.Алтанцэцэг мэдээллийнхээ эхэнд хэлэхдээ “Маргааш буюу 2022 оны зургадугаар сарын 7-ны Мягмар гараг нь Билгийн тооллын зуны эхэн сарын шинийн 8-ны билэгт сайн өдөр тохиож байна. Энэ өглөө мандахын улаан наран буюу өглөөний 6.30 цагт Монголчуудыг эв эеээ нэгтгэж , Монголын их хувь заяагаа бататгахыг ерөөж сүүн цагаан өргөлөөр мялааж цай, сүүнийхээ дээжийг өргөхийг Монголын бүх ээжүүд, эмэгтэйчүүддээ уриалсан юм. Мөн тэрбээр “Яг өнөөдөр энэ цагаас эхлэн Монгол үндэснийхээ язгуур эрх ашгийн эсрэг, Монгол оршихуйн эсрэг, ирээдүй болсон хүүхэд багачуудын эрүүл мэндийг хохироох, гадны улс гүрнүүдийн бодлогоор өв соёл,түүх уламжлалынхаа эсрэг заналхийлсэн, янз бүрийн хууль дүрэм батлах, хөтөлбөр хэрэгжүүлэхийг нэн яаралтай зогсоохыг тэнгэр бурхад, сахиус нарын зарлигт айлдсан. Зарлигийг сөрсөн хэн бүхэн уруудан доройтож есөн үеэрээ хар тамд унахыг мэдтүгэй. Харин энэ мөчөөс эхлэн дээрхи үйлдлийг тэвчвээс тэнгэрийн өршөөлд багтана. Монгол ээж нарын төлөөлөл болсон биднээр дамжиж Мөнх тэнгэрийн өршөөлд бүрэн багтаж хөх тэнгэрийн зарлигийн дагуу өршөөлийг тунхаглаж байна. Өнөөдрөөс эхлэн Монголын ариун гал голомтод муу, муухай юм хийхгүй, хүн бүхэн тэнгэрийн өршөөлд багтана хэмээн тэнгэр бурхад зарлигдаж байна” гэв. Түүнчлэн өвөг дээдсээс уламжлагдан он цагийг эхийн цагаан сэтгэлээр өртөөлөн өвлөгдсөн өв соёлоороо нэгдэж өргөхийг тус ТББ-ын тэргүүлэгч гишүүн С.Отгонцэцэг тодотгож байв. Түүнчлэн Д.Эрдэнбулган хэлсэн үгэндээ “Мөнх тэнгэр, бурхад, сахиус нарын зарилга нь эв эеийг нэгтгэсэн Монголын хувь заяг бататгасан зарлиг гэднийг ойлгож Монголчууд хүчээ нэгтгэж сэрэх цаг болсон байна хэмээн хүлээн авах хэрэгтэй” гэсэн юм. Мөн энэ өдрөөс эхлэн Сүхбаатарын талбайд “Эв эеээ нэгтгэе, Монголын хувь заяагаа бататгая” уриатай долоо хоногийн аян зарлаж гарын үсэг цуглуулах ажил эхлүүлж байгаагаа илэрхийлсэн юм. Түүнчлэн биднийг дэмжин урам дэм, зориг хайрлаарай гээд Хаан банкны 5084576161 тоот дансанд 1000 төгрөгөөр хандив өргөхийг уриалав. Цай, сүүнийхээ дээж өргөхдөө Мөнхнаран ээжийн залбирал болох “Миний сүнсний язгуур Мөнх наран ээжээ, та өөрийнхөө их ивээл хайр ерөөлийг орчлон хорвоогын хумихын тоос бүрт хүртээж өгч хайрла” хэмээн хэлж сүүгээ өргөөрэй гэж “Цаг зүг Монгол”ТББ-ын тэргүүн Н.Хандсүрэн онцолсон юм.
Эх сурвалж: www.polit.mn