Б.ДАРЬСҮРЭН

Энэ сарын 3-ны өдөр энгийн арилжаагаар 36 хувьцаат компанийн 121.074.236 төгрөгийн үнэ бүхий 317632 ширхэг хувьцаа арилжигдсанаас 13 хувьцаат компанийн хувьцааны ханш өсөж, 15 хувьцаат компанийн хувьцааны ханш буурсан бол найман компанийн хувьцааны ханш тогтвортой байлаа. Үүнээс  "Махимпекс" ХК, "Бодь Даатгал" ХК болон "Монголын цахилгаан холбоо" ХК-ийн хувьцааны ханш хамгийн өндөр өсөлттэй байсан бол "Жуулчин говь" ХК, "Ариг гал" ХК болон "Талх чихэр" ХК-ийн хувьцаа хамгийн их уналттай байв.

Хөрөнгө оруулалтын хоёр сангийн 44377 ширхэг нэгж эрхийг 13.941.820 төгрөгөөр арилжаалсан бол компанийн бондын хоёрдогч зах зээлийн арилжаанд нийт 24 ширхэг үнэт цаасыг 6.641.560 төгрөгөөр арилжсан байна.

ТOP-20 индекс 0.11 хувиар өсөж, 33.998.05 нэгжид хүрсэн бол зах зээлийн үнэлгээ 4.9 их наяд төгрөг боллоо. 

Эх сурвалж: polit.mn