Хэмнэлтийн хуулийг “дэд”-үүд гууль болгох уу?

2022-05-31
Нийтэлсэн: Админ
 3 мин унших

Б.ДАМДИН-ОЧИР

 

Хэмнэлтийн хуулийг сарын өмнө баталсан.  “...Төр, түүний бүх шатны байгууллага, нийтийн алба, тэдгээрийн үйл ажиллагаанд санхүүгийн сахилга батыг мөрдүүлж, ил тод байдлыг хангах, үр ашгийг нэмэгдүүлэх, үрэлгэн байдлыг хязгаарлах, хяналт тавихтай холбогдсон харилцааг зохицуулахад оршино” гэсэн зорилготой. Энэ хуулийг баталсан өдрөөс нь  хэрэгжүүлж эхэлсэн.

Хэмнэлтийн хуулийн шийдлүүдээс Хоёрдугаар бүлэг/Хангамж, зарим үйл ажиллагаанд тавих хязгаарлалт/-ийн “Тэргүүн дэд, дэд, орлогч дарга” хэмээх 5.1 дэх “...Хуульд тусгайлан заагаагүй бол төрийн тусгай чиг үүрэг хэрэгжүүлдэг Засгийн газрын агентлаг, Засгийн газрын ажлын алба, УИХ-д ажлаа шууд хариуцан тайлагнадаг байгууллага, эмнэлэг, төрийн өмчийн оролцоотой нээлттэй хувьцаат компаниас бусад этгээд тэргүүн дэд, дэд, орлогч даргатай байхыг хориглоно”, 5.2 дахь “...Нийслэлийн Засаг дарга хоёр, аймаг, дүүрэг, сумын Засаг дарга нэгээс илүү орлогч даргатай байхыг хориглоно”, 5.3 дахь “...Засгийн газрын агентлагийн дарга, ИТХ, төрийн болон орон нутгийн өмчит хуулийн этгээдэд зөвлөх чиг үүрэг бүхий орон тооны этгээд ажиллуулахыг хориглоно”, 5.4 дэх “...Энэ хуульд заасныг зөрчиж тэргүүн дэд, дэд, орлогч дарга, зөвлөхийн чиг үүрэгтэй ижил эрх, үүрэг бүхий өөр нэршилтэй албан тушаалын орон тоо бий болгох, түүнд аливаа албан тушаалтныг томилох, орон тоог хэвээр хадгалахыг хориглоно” гэсэн зүйл заалт олны анхаарлыг татаж, “алга ташилт” хүртсэн. Энэ заалт нь гацаанд орж болзошгүй байна.

Хамгийн түрүүнд Хөгжлийн банкны дэд захирлаар ажиллаж байсан Ж.Эрхэмбаатар чөлөөлөгдсөнөө зарласан. Мөн нийслэл Улаанбаатар хот, “Эрдэнэс Тавантолгой” ХК зэрэг байгууллагууд Хэмнэлтийн хуулийг хэрэгжүүлж, орлогч дарга нар, дэд захирлуудаа чөлөөлсөн. Энэ талаар өөрсдөө олон нийтэд мэдээлсэн.

Харин нэлээд байгууллагын дэд болон орлогч дарга, захирлууд албан тушаал, цалин хангамжаасаа салахгүйн тулд янз бүрийн “арга хэмжээ” авч буй тухай мэдээлэл хэвлэлүүд болоод 11-11 төвд ихээр ирж байна.

Дарга, захирал руу нь нөлөө бүхий улстөрчдөөр яриулах явдал цөөнгүй гарсан байгаа юм. Тухайлбал ийм явдал “Монголын төмөр зам” ТӨХК  дээр болсон байж болзошгүй. Тэндхийн Хууль эрх зүй хариуцсан дэд захирал, Бизнес хөгжил эрхэлсэн дэд захирал, Гадаад харилцаа эрхэлсэн дэд захирлаар ажиллаж байсан хүмүүс “Монголын төмөр зам” ТӨХК-иас чөлөөлөгдсөн эсэхийг нягтлах шаардлагатай.

Мөн зарим байгууллагад бүтцийн өөрчлөлт хийх замаар дэд, орлогч нараа авч үлдэж байгаа мэдээлэл байна. Зарим нь тухайн байгууллагадаа газар, хэлтсийн дарга болж үлджээ. Тухайлбал, “Банкин дахь мөнгөн хадгаламжийн даатгалын тухай хууль”-ийн хүрээнд хадгаламжийн даатгалын үйл ажиллагааг эрхлэн явуулахаар 2013 оны зургадугаар сарын 14-нд байгуулсан Хадгаламжийн даатгалын корпораци нь тэргүүн дэд, дэд захиралтай байсан. Гэвч тус корпорацийн ТУЗ-ийн шийдвэрээр бүтцийн өөрчлөлт хийж нэр бүхий дэд захирлыг “шингээсэн” байгаа юм.

Энэ мэтчилэн эрхэм дэд болон орлогч дарга, захирал асан эрхмүүд Хэмнэлтийн хуулийн 5.4-т “...Энэ хуульд заасныг зөрчиж тэргүүн дэд, дэд, орлогч дарга, зөвлөхийн чиг үүрэгтэй ижил эрх, үүрэг бүхий өөр нэршилтэй албан тушаалын орон тоо бий болгох, түүнд аливаа албан тушаалтныг томилох, орон тоог хэвээр хадгалахыг хориглоно” гэснийг зөрчиж, хуулийг гууль болгож байж болзошгүй нь. Тэгэхээр холбогдох байгууллагаас хуульд заасан байгууллагын дэд болон орлогч дарга, захирлаар ажиллаж байсан хүмүүс хуулиа дагаж чөлөөлөгдсөн эсэхийг нягтлахад буруутахгүй нь.

Эх сурвалж: “Зууны мэдээ” сонин

2022 ОНЫ ТАВДУГААР САРЫН 31. Мягмар ГАРАГ. № 108 (6840)

 

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

9 цаг 44 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

14 цаг 50 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

21 цаг 17 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

21 цаг 17 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

21 цаг 17 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Уржигдар 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Уржигдар 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Уржигдар 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Уржигдар 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Уржигдар 06 цаг 00 мин