• Зууны мэдээ сонин онлайн захиалга

Даатгалын нөхөн төлбөр 112.1 хувиар нэмэгджээ

Б.ДАРЬСҮРЭН

Санхүүгийн зохицуулах хороонд хамаардаг хөрөнгийн зах зээл, даатгалын зах зээл, банк бус санхүүгийн байгууллага, хадгаламж зээлийн хоршоодын ДНБ-д эзлэх хэмжээ энэ оны эхний улиралд 21.1 хувьд хүрсэн байна.

 Даатгалын салбарын нийт хөрөнгийн хэмжээ өнгөрсөн оныхоос 4.3 хувиар өсөж 418.5 тэрбумд хүрсэн бол нөөц сан 4.2 хувиар нэмэгдэж, 179.8 тэрбум төгрөгт хүрсэн гэж Санхүүгийн зохицуулах хорооноос мэдээллээ.

 Харин ердийн болон урт хугацааны даатгалын салбар 25.3 их наяд төгрөгийн үнэлгээтэй 1.017.205 зүйлийг даатгаснаар нийт хураамж өмнөх мөн үеэс 29.5 хувиар өсөж, 50.5 тэрбум төгрөгийг татан төвлөрүүлсэн байна. Үүнээс давхар даатгалын хураамжид 12.2 тэрбум төгрөг төлсөн нь өмнөх оны мөн үетэй харьцуулбал 11.9 хувиар өсчээ. Даатгалын нөхөн төлбөрийн зардал өмнөх оны мөн үеэс 112.1 хувиарч өсөж, 26.3 тэрбум төгрөгт хүрсэн нь нийт хураамжийн 51.2 хувийг эзэлж байна.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.