• Зууны мэдээ сонин онлайн захиалга

Эм тариа, эмнэлгийн үйлчилгээний үнэ 15.2 хувиар өссөнийг мэдээлэв

С.САРУУЛ

Үндэсний статистикийн газрын мэдээлснээр рэрэглээний бараа, үйлчилгээний үнэ 2022 оны дөрөвдүгээр сард улсын хэмжээнд өмнөх оны мөн үеэс 14.4 хувь, өмнөх оны эцсээс 6.4 хувь, өмнөх сараас 2.3 хувиар өссөн байна.

Ийнхүү 14.4 хувиар өсөхөд

-Хүнсний бараа, ундаа, усны бүлгийн үнэ дүнгээрээ 16.8 хувь (мах, махан бүтээгдэхүүн 7.9 хувь, согтууруулах бус ундааны дэд бүлгийн үнэ 18.1 хувь),

-Согтууруулах ундаа, тамхины бүлгийн үнэ дүнгээрээ 8.7 хувь,

-Хувцас, бөс бараа, гутлын бүлгийн үнэ дүнгээрээ 12.9 хувь,

-Орон сууц, ус, цахилгаан, хийн болон бусад түлшний бүлгийн үнэ дүнгээрээ 10.4 хувь,

-Эм тариа, эмнэлгийн үйлчилгээний бүлгийн үнэ дүнгээрээ 15.2 хувь,

-Тээврийн бүлгийн үнэ дүнгээрээ 25.6 хувиар тус тус өссөн нь голлон нөлөөлжээ.

Инфляцын түвшин буюу хэрэглээний бараа, үйлчилгээний үнэ 2019 оны дөрөвдүгээр сард долоон хувь, 2020 оны дөрөвдүгээр сард 4.7 хувь, 2021 оны дөрөвдүгээр сард 5.6 хувь гарсан бол 2022 оны дөрөвдүгээр сард 14.4 хувь болж, өмнөх оны мөн үеэс 8.8 нэгж хувиар нэмэгдсэн байна.

Хэрэглээний бараа, үйлчилгээний үнэ 2022 оны дөрөвдүгээр сард улсын хэмжээнд 14.4 хувь гарсны 4.9 нэгж хувь буюу 34 хувь нь хүнсний бараа, ундаа, усны бүлгийн үнийн өсөлтөөс шалтгаалжээ.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
Зочин
Монос бол бүүр аймаар үнэтэй.Эмийн бүтээгдэхүүнийг хэт үнэтэй зарахыг уриалан дуудаж байгаа монос арай дэндүү