Ч.ОЛДОХ

УИХ-ын гишүүн Ё.Баатарбилэг Халдашгүй байдлын дэд хорооны хуралд тайлбар өгсний дараа сэтгүүлчдэд байр сууриа илэрхийллээ.

-Дэд хорооны хурлаар  танаас ямар асуудлаар тайлбар авсан бэ?

-УИХ-ын Дэгийн хуулийн дагуу Халдашгүй байдлын дэд хорооны хуралд орлоо. Прокурорын байгууллагаас  намайг Хөгжлийн банкнаас зээл авсан компанитай холбогдуулж, авлига, албан тушаалын гэмт хэрэгт буруутгаж байна гэдэг үндэслэлээр оруулж иржээ. Сая би Халдашгүй байдлын дэд хорооны гишүүдэд тайлбар мэдээллээ өгөөд гарч ирлээ.

-Яллагдагчаар татаж буй зүйл, заалтыг тодруулна уу?

-Тэрийг нь би сайн мэдэхгүй байна. Яагаад гэвэл цаасаар гаргасан баримт үзүүлээгүй болохоор. Хуралдааны дэгээр  би зөвхөн асуултад хариулах үүрэгтэй юм байна. Прокурор, хууль хяналтынхан болон гишүүдийн асуултад  хариулаад гарч ирлээ.

-Прокуророос оруулж ирсэн саналыг та хүлээн зөвшөөрч байна уу?

-“Хуурай гүжир хариу үгүй” гэж үг байдаг. Би буруугүй.

Эх сурвалж: www.polit.mn