Б.ЦЭЦЭГ

ОХУ-ын нутаг дэвсгэрт рублийг дотоодын төлбөр тооцоонд ашигладаг хэдий ч оросууд ямар нэг шалтгаанаар хадгаламжаа ам.доллар, евро, фунт стерлинг болон бусад мөнгөн нэгжээр хадгалахыг илүүд үздэг. Харин сүүлийн саруудад болсон үйл явдлуудаас ОХУ-ын Төвбанк энэ оны хоёр, гуравдугаар сард хэд хэдэн хязгаарлалтыг нэг зэрэг нэвтрүүлсэн тул валютын мөнгийг тийм ч хялбар зарцуулах боломжгүй болсон. Эдгээр хязгаарлалтын улмаас энгийн оросууд болон компаниуд бүх гадаад валютын мөнгийг хүлээн авсан үнийн дүнгийн 80-аас доошгүй хувьтай тэнцэх хэмжээний мөнгөөр зарах үүрэг хүлээсэн. Энэ нь мөнгө шилжүүлснээс хойш ажлын гурван өдрийн дотор дансанд хийх ёстой байв. Энэ бол хүн бүр эргэлзэлгүйгээр биелүүлэх ёстой зайлшгүй шаардлага юм.

Эдгээр хязгаарлалт сар хагасын хугацаанд хэрэгжиж байсан ч дөрөвдүгээр сарын 19-ний өдрөөс эхлэн илүү нааштайгаар өөрчлөхөөр шийджээ. Бүх оросууд, тэр дундаа хувиараа хөдөлмөр эрхлэгчид, гадаадаас ирсэн бүх бэлэн мөнгөний орлогын 80-аас доошгүй хувийг гурав хоногийн дотор биш, 60 хоногийн дотор зарах ёстой. ОХУ-ын Төвбанк ямар нэгэн байдлаар валютыг Оросын рублиэр солиход бүтэн хоёр сарын хугацаа өгнө. Банкны ханшаар эсвэл санхүүгийн байгууллага ийм боломж олговол валютын ханшаар солилцоо хийж болно. Дансандаа валют хүлээн авдаг бүх хуулийн этгээдэд ижил төстэй шаардлага тавина. Гурав хоногийн турш валютынхаа 80 хувийг зарж, Оросын рублийг худалдаж авах энэ дүрэмд хэвээр үлдэж байгаа зүйл нь бусад улсад түүхий эд экспортлогчид өөрөөр хэлбэл, байгалийн хий, газрын тос, байгалийн хийн борлуулалтад оролцдог Оросын том компаниуд багтах юм. Тэд урьдын адил дансанд мөнгө орсон цагаас хойш гурав хоногийн дотор мөнгө хөрвүүлэх ёстой. Бусад хүний хувьд энэ хугацааг хоёр сар хүртэл нэмэгдүүлсэн байгаа. ОХУ-ын банкны үзэж байгаагаар энэ нь бизнес эрхлэгчид, компаниудад солилцоо хийх нь хамгийн тохиромжтой, хамгийн амжилттай, оновчтой мөчийг бие даан сонгох боломжийг олгоно. Энэ дүрмийг биелүүлэх ёстой. Гэхдээ хэзээ гэдгээ хүн бүр өөрсдөө шийдэх боломжтой. Хамгийн гол нь 60 хоногийн дотор хийх ёстой.

Одоо ийм арга хэмжээний ачаар компаниуд валютын хөрвөх чадварыг илүү үр дүнтэй удирдах боломжтой болно гэж ОХУ-ын Төвбанк үзэж байна. Ийм хязгаарлалт энэ оны есдүгээр сарын 1 хүртэл хүчинтэй байх боловч шаардлагатай бол сунгах боломжтой. Цаашид үүсэх нөхцөл байдлыг харгалзан сунгах шийдвэрийг гаргана. Тиймээс энгийнээр хэлэхэд үйл явдлын цаашдын байдлаас хамааран ийм хязгаарлалтыг сулруулах эсвэл шаардлагатай бол эсрэгээр нь чангатгаж болно.

Эх сурвалж: www.akket.com