З.БАТЦЭЦЭГ

Эрт үед иргэд эмчид үзүүлж, эмийн жор авч байсангүй. Тэд байгаль эхийн ургамлууд, өвс ногоо, үр, үндсээс хамаардаг байв. Судалгаа, туршилт, алдааны үр дүнд дэлхийн соёл иргэншил манай орчин үеийн олон эмийн анхдагч болох ургамлын гаралтай эмийг олж илрүүлсэн.

Байгалийн халдварыг устгагч

Вирусын халдвартай тэмцэх дархлааны 11 цай. Эрдэмтэд халдвар үүсгэдэг нян, вирусыг олж илрүүлэхээс өмнө хүмүүс тэдэнтэй тэмцэхийн тулд ихэвчлэн ургамал ашигладаг байсан бөгөөд ихэнхдээ амжилттай байсан. Тэдгээрийг бүхэлд нь, буталсан эсвэл цайнд хандалж хэрэглэдэг. Орчин үеийн шинжлэх ухааны нотолгоогоор олон ургамал  нь таны биед ашиг тустай бөгөөд халдвартай байгалийн аргаар тэмцдэг болохыг харуулж байна.

Ургамлын гаралтай цай хийх төгс арга

Ургамлын төгс цайг гаргаж авахын тулд усаа буцалгана. Навчтай цайг шүүлтүүрт хийж эсвэл аягандаа бэлэн ууттай цайг хийнэ. Аягандаа ус хийгээд 3-5 мин болгоод авна. Ихэнх ургамлын гаралтай цай нь дангаараа амттай байдаг ч амтлахын тулд бага зэрэг органик элсэн чихэр, зөгийн бал эсвэл нимбэг нэмж болно.

1. Хүн орхоодой

Эмийн үнэ цэнтэй олон домогт ургамал, үндэс дотроос хүн орхоодой нь хамгийн шилдэг нь юм. Энэхүү биширдэг үндсийг олон мянган жилийн өмнө Хятадаас олж, ургуулсан, Хятадын анагаах ухааны салшгүй хэсэг хэвээр байгаа гэж түүхчид үздэг. Латин нэр нь Панакс нь ба бараг бүх зүйлд зориулагдсан өвслөг ургамал, их ач тустай. Үнд\сийг нь буталж, жижиглээд эртний хаад эм болгон хэрэглэж байсан. Эрэгтэй, эмэгтэй хүмүүсийн аль алинд нь эрч хүчийг нэмэгдүүлж, сэтгэлийн хөдөлгөөнийг сайжруулж, бэлгийн эрч хүчийг нэмэгдүүлдэг болохыг судалгаагаар тогтоожээ.

2. Багваахай

Энэ ургамлыг олон зууны турш хүндэтгэсээр ирсэн гэдгийг та мэдэх үү? Антиоксидант, А амин дэмээр баялаг амттай шүүс бэлдэхийн тулд түүний үндсийг ихэвчлэн буталдаг. Үүнд шээс хөөх эм, элэг цэвэрлэгч, үрэвслийн эсрэг, холестерин бууруулах бодис агуулагддаг.

3. Балжингарав

Балжингарав цай мэдрэлийг тайвшруулдаг гэж эмээ тань хэлснийг санаж байна уу? Эмээгийн зөв байсан бололтой. Эртний египетүүд нарийхан цэцгийг түүж хатааж, усанд дэвтээж ханиадны эсрэг ундаа хийдэг байжээ. Энэхүү ургамлын хольц нь ханиадны шинж тэмдгийг арилгахад тусалдаг төдийгүй нойр хүргэж, тайвшруулж, ходоодны хямралыг намжааж, сарын тэмдгийн өвдөлтийг намдааж, цусан дахь сахарын хэмжээг нэмэгдүүлж, зарим төрлийн хорт хавдраас урьдчилан сэргийлэх боломжтой.

4. Розмарин

Италийн хоолонд түгээмэл хэрэглэгддэг энэ өвсөөр амттай, эрүүл цай хийж болно гэж хэн санах билээ? Розмарин бол Газар дундын тэнгис орчмын газар нутгаас гаралтай олон наст бут сөөг юм. Энэ ургамал нь эртний египетчүүдэд танил байсан бөгөөд тэд үүнийг хоол хүнс, эмийн зориулалтаар ашигладаг байжээ. Энэхүү модлог иштэй бут сөөг нь анхилуун нарс шиг жижиг зүүтэй бөгөөд мах, хүнсний ногоонд хүчтэй амтыг өгдөг. Цай болгон уувал ой санамжийг сайжруулж, сэтгэл санааг тань дээшлүүлнэ. Олон тооны судалгаагаар энэ цай нь таны харааг сайжруулж, үрэвслийг намдааж, тархийг эрүүл байлгаж, үсийг бат бөх, эрүүл байлгадаг болохыг харуулж байна.

5. Чихэр өвсний үндэс

Чихэр өвсний үндэс нь эртний Хятадын анагаах ухаанаас түүхтэй. Энэ нь дундад зууны үеийн сүм хийдүүдэд үнэ цэнэтэй хоол хийх, эмийн ургамал болгон хөгжүүлсэн. Чихэр, амттан, амны хөндийн эрүүл ахуй зэрэг бүх зүйлд чихэр өвс сайн гэдгийг та сайн мэддэг байх. Чихэр өвстэй цай нь цээж хорсох, ходоодны хямралыг тайвшруулдаг шинэхэн, сэргэг амттай. Энэ нь байгалийн үрэвслийн эсрэг үйлчилгээтэй тул шүдний эрүүл мэндийг сайжруулж, ходоодны шархыг эмчлэхэд тусалдаг.

6. Нимбэгний бальзам

Хэдэн бальзамын бут сөөггүйгээр ямар ч цэцэрлэг бүрэн дүүрэн байдаггүй. Гаа, нимбэгний нарийн ширхэгтэй цитрусын гайхалтай үнэртэй. Энэхүү нимбэгний амтаар баялаг цайг олон үеийн турш түгшүүр, цочромтгой мэдрэлийг тайвшруулах зорилгоор хэрэглэж ирсэн. Сэтгэл санаа, ой санамжийг сайжруулах, сарын тэмдгийн өвдөлтийг намдаах эерэг үр нөлөөтэй.

7. Фенхель

Хиам, итали улаан лоолийн соусанд ихэвчлэн амтагддаг амтыг та мэдэх үү? Энэ амтыг булцуут ногоо болох фенхелээс гаргаж авдаг. Газрын гадаргуу дээр ургадаг. Бүх хэсгийг нь бүр навч, үрийг нь иддэг. Энэхүү хүнсний ногоо нь эслэг, витамин, эрдэс бодис, антиоксидантаар баялаг бөгөөд эсийг чөлөөт радикалуудаас хамгаалдаг. Үрийг нь ургамлын гаралтай цай болгон уух нь ходоодны хямрал, амьсгалын замын асуудал, өтгөн хатах, цусны даралтыг зохицуулахад тусалдаг.

8. Гандигар

Энэхүү нил ягаан жимс нь анагаах ухааны ертөнцөд маш их анхаарал татсан. Хойд Америкийн зүүн хэсгээс гаралтай бөгөөд уугуул иргэд олон мянган жилийн турш хоол хүнс, ундаа, эмийн болон байгалийн будаг болгон ашиглаж ирсэн. Цай хэлбэрээр ууж байгаа гол давуу тал нь ханиад болон амьсгалын замын бусад өвчнийг анагаах, хамрын битүүг арилгадаг. Эдгээр жимс нь витамин С-ийн чухал эх үүсвэр учраас таны дархлааг дэмжиж, бие махбод дахь үрэвслийг намдаана.

9. Гаа

Гааны амт үнэр таньд чихрийг санагдуулж магадгүй юм. Эрт дээр үеэс гаа нь хоол боловсруулах эрхтнийг тайвшруулах үйлчилгээтэй гэдгээрээ үнэлэгдэж ирсэн. Амны хөндийн эрүүл ахуйд зориулсан гаа хаа сайгүй байдаг. Гаагаар хийсэн ургамлын цай нь цээж хорсох, ходоодны хямралыг багасгадаг. Мөн хоолойн өвчин намдаах, цэр хөөх ханиалгыг намдаахад тохиромжтой. Энэ нь битүүг арилгах, илүү сайн унтахад тусалдаг байгалийн үрэвслийн эсрэг үйлчилгээтэй.

10. Эхинацея

Ургамлын талаар мэдлэг чадвартай эмчээс амьсгалын замын өвчнийг эмчлэх талаар асуувал эхинацеяг зөвлөнө. Эдгээр үзэсгэлэнтэй цэцэг нь Хойд Америкийн тал нутгаас гаралтай. Америкийн уугуул иргэд энэ өвсийг хүний ​​амийг аврах эм гэж хүлээн зөвшөөрч, ханиад, хоолой, чих, шүд, бие өвдөх зэрэгт ургамлын гаралтай цай хэлбэрээр бэлддэг байжээ.

11. Цагаан гаа

Азийн олон соёлын эртний тэмдэглэлээс цагаан гаа хоол хүнс, ундаа, анагаах ухаанд гол үүрэг гүйцэтгэсэн. Түүхийгээр нь эсвэл цай хоолонд хийж хэрэглэж болдог өтгөн модлог үндэс юм. Амттан хийхэд ихэвчлэн нунтаг болгон хэрэглэдэг. Энэхүү цайны хольц нь анхилуун үнэртэй бөгөөд олон мянган жилийн турш хоол боловсруулах эрхтний өвчин, элэгний өвчинд уусаар ирсэн. Энэ нь дотор муухайрах, суулгах зэрэгт тустай. Энэ өвс нь цусны даралтыг бууруулж, цусан дахь глюкозын хэмжээг зохицуулдаг болохыг зарим эмнэлгийн нотолгоо харуулж байна.

Ургамлын гаралтай цай нь амрах, эрүүл мэндэд тустай сайхан арга юм. Эмчээсээ ямар нэмэлт тэжээл, ургамлууд тохирох талаар асуугаарай. Та халуун, хүйтэн цайнд дуртай эсэхээс үл хамааран цай нь вирусын халдвартай тэмцэж, өөрийгөө болон таны гэр бүлийг эрүүл байлгахад тусална.

Эх сурвалж: www.sibkray.ru