Ч.ТУЛГА

Монголын пауэрлифтингийн нэгдсэн холбооноос классик төрлийн шахалт, суулт, таталтын УАШТ-ийг амжилттай зохион байгууллаа. Тэмцээнд 400 гаруй тамирчин өрсөлдсөн бөгөөд насанд хүрэгчдийн эрэгтэйчүүдийн гурван ангиллын гурван жинд тамирчид шинэ,  дээд амжилтыг тогтоов. Тодруулбал, 83 кг-ийн жинд Б.Дүвжид таталтын төрөлд 280 кг-ийг татсанаар ийнхүү улсын дээд амжилтыг шинэчилсэн байна. Харин суултын төрөлд З.Ирээдүй 120 кг-ийн жинд 331 кг-ийг өргөснөөр жингийнхээ дээд амжилтын эзэн болжээ. Мөн энэ жинд таталтын төрөлд Б.Хадбаатар 340 кг-ийг татснаар Монгол Улсын бүх жингийн дээд амжилтыг шинэчлэн тогтоосон байна.

Эх сурвалж: www.polit.mn