Ч.ГАНТУЛГА

ДБЭТ-ын уран бүтээлчид Дэлхийн театрын өдөрт зориулж Ж.Бизегийн “Кармен” дуурийг амжилттай тоглосон. Тэгвэл тэдний дараагийн үзэгчдэд хүргэх уран бүтээл нь Францын нэрт хөгжмийн зохиолч А.Аданы “Жизель” балет ажээ. Эртний сүнснүүдийн тухай домог ярианаас сэдэвлэсэн энэхүү балетыг энэ удаад бүрэн шинэчлэн тоглохоороо онцлог юм байна. “Жизель” балетыг манай уран бүтээлчид театрын тайзнаа анх 1979 онд тоглосон байдаг. Энэ үеэс өнөөг хүртэл бүрэн шинэчлэл хийгдээгүй ажээ. Тэгвэл энэ удаад балетын хувцас, жижиг хэрэглэлээс эхлээд тайз засалт, хөгжим чимээг бүрэн шинэчлэн үзэгчдэд хүргэхээр төлөвлөжээ. Ерөнхий балетмейстерээр Д.Дашлхагва ажиллаж байна. 

Эх сурвалж: www.polit.mn