Б.ДОЛЖИНЖАВ

Засгийн газрын өнөөдрийн хуралдаанаар Хөшигийн хөндий дэх бүтээн байгуулалттай холбоотойгоор төрийн захиргааны байгууллагуудын талаар авч хэрэгжүүлэх арга хэмжээний тухай Засгийн газрын тогтоолыг баталлаа. Хөшигийн хөндийд нийт 31 га газрыг улсын хэрэгцээнд авчээ.

Энэ талаар Барилга, хот байгуулалтын сайд Б.Мөнхбаатар  "Хөшигийн хөндийд  барих барилга байшингуудын даац, усны нөөц зэргийг тооцоолсноор 150 мянган хүн амьдрах хот төлөвлөлтийг хийж байна. Үүнтэй холбоотойгоор Засгийн газраас өнөөдөр төрийн захиргааны зарим байгууллагыг үе шаттайгаар шилжүүлэх шийдвэр гаргасан. Энэ талаар судалж, саналаа гарган, үе шаттайгаа хэрэгжүүлнэ. Энэ шийдвэр өнөөдөр гарснаар ерөнхий төлөвлөлтийг ойрын хугацаанд Засгийн газраар батлуулна. Үүнтэй холбоотой хэсэгчилсэн төлөвлөлтүүд, хөрөнгийн тооцоолол гарна. Жишээлбэл, Сөүл хот төвлөрлөө сааруулахын тулд Сэжун хотод төр захиргааны байгууллагуудаа шилжүүлэх ажлыг 20 жил хийж байгаа" гэв.

Эх сурвалж:www.polit.mn